నిజామాబాద్ లో దారుణం జరిగింది. ప్రైవేట్ బస్సు ఆపి..13 లక్షలు ఎత్తుకెళ్లాడు ఓ దుండగుడు. ఈ సంఘటన ఆది వారం రాత్రి చోటు చేసుకుంది. ఈ సంఘటన వివరాలు ఇలా ఉన్నాయి. నిజామాబాద్ జిల్లాలో ఓ ప్రైవేట్ బస్సు లో చోరీ జరిగింది. సారాంగాపుర్ డైరీ ఫారం వద్ద చాయ్ కోసం బస్సును ఆపినప్పుడు ఈ ఘటన చోటు చేసుకుంది.
పార్కింగ్ చేసిన బస్సు లో చొరబడి నగదు చోరీకి పాల్పడ్డాడు. ముంబై నుంచి జగిత్యాల వెళ్తుండగా నగర శివారులో ఈ చోరీ ఘటన జరిగింది. బస్సు లో సీసీ కెమెరా కు చేయి అడ్డుపెట్టి చోరికి పాల్పడ్డాడు దుండగుడు. బస్సులో ప్రయాణించే వ్యక్తులు చోరీ చేశారా..? బయట వ్యక్తులు చోరీ చేశారా అనే కోణం లో పోలీసులు దర్యాప్తు కొనసాగిస్తున్నారు.
