టాలీవుడ్ హీరోలపై కాంగ్రెస్ పార్టీ తెలంగాణ రాష్ట్ర అధ్యక్షుడు రేవంత్ రెడ్డి సంచలన వ్యాఖ్యలు చేశారు. డ్రగ్స్ తీసుకున్న టాలీవుడ్ హీరోల తాట తీస్తాం అని హెచ్చరిoచారు రేవంత్ రెడ్డి. ఇవాళ ఆయన మీడియాతో మాట్లాడుతూ.. సినిమా ఇండస్ట్రీలో ఆదర్శంగా ఉండాలని సినిమా పెద్దలు కోరుతున్నానని పేర్కొన్నారు. రాజకీయ నేతలతో అలాయ్ – బలయ్ చేసుకోండి.. కానీ ఆలాయ్ బలయ్ ముసుగులో డ్రగ్స్ సేవిస్తే మాత్రం తాటా తీస్తామని వార్నింగ్ ఇచ్చారు. రాబోయే 12 నెలల్లో కాంగ్రెస్ అధికారం వస్తుంది, డ్రగ్స్ కేసులో ఉన్న ఎంత పెద్ద హీరో అయిన వదిలేది లేదని హెచ్చరించారు రేవంత్ రెడ్డి.
తెలంగాణను మరో పంజాబ్ గా మార్చకండని పీసీసీ అధ్యక్షుడు రేవంత్ రెడ్డి డిమాండ్ చేశారు. తెలంగాణ గుట్కా లేదు, మట్కా లేదు అని కేసీఆర్ చెప్పారని.. కానీ గల్లీ గల్లీలో గంజాయి గుప్పు మంటుంది అని నేను అప్రమత్తం చేశానని పేర్కొన్నారు. ఈ గుట్కా , మట్కా , డ్రగ్స్ పై నిఘా లేక పోతే మరో పంజాబ్ అవుతుందని ప్రభుత్వం ను హెచ్చరించానని.. చిన్నారి పై జరిగిన లైంగిక దాడి, గంజాయి మత్తులో జరిగిందని ఒక వైపు ప్రభుత్వం చెపుతుందని ఫైర్ అయ్యారు.
