హైదరాబాద్ వాహనదారులకు బిగ్‌ అలర్ట్. నేడు హైదరాబాద్ మహా నగరంలో ట్రాఫిక్ ఆంక్షలు ఉండనున్నాయి. ఇవాళ హనుమాన్ జయంతి శోభాయాత్ర ఉన్న నేపథ్యంలోనే.. నగరంలో ట్రాఫిక్ ఆంక్షలు విధించారు ట్రాఫిక్ పోలీసులు. అటు ఇవాళ హనుమాన్ జయంతి శోభాయాత్రకు హైదరాబాద్ పోలీసులు భారీ ఏర్పాట్లు చేశారు.
దాదాపు 8 వేల మంది పోలీస్‌ బందోబస్త్‌ మధ్య హనుమాన్ జయంతి శోభాయాత్ర జరుగనుంది. గౌలిగూడ రాంమందిర్ నుండి తాడ్ బన్ హనుమాన్ దేవాలయం వరకు కొనసాగనుంది శోభాయాత్ర. ఉదయం 11 గంటల నుండి ఈ ర్యాలీ ప్రారంభం కానుంది.
గౌలిగూడ, సుల్తాన్ బజార్, నారాయణగూడ, సికింద్రాబాద్ మీదుగా తాడ్ బన్ వరకు కొనసాగనుంది యాత్ర. శోభాయాత్ర సాగే ప్రాంతాల్లో ట్రాఫిక్ రాకపోకలు నిషేధం ఉండనుంది. ఇది ఇలా ఉండగా… నేడు హనుమాన్ జయంతి ఉన్న నేపథ్యంలోనే.. హైదరాబాద్ మహా నగరం లో.. మద్యం షాపులను బంద్ చేయాలని కేసీఆర్‌ ప్రభుత్వం నుంచి ఆదేశాలు జారీ అయ్యాయి.
