నందమూరి బాలకృష్ణ అంటే మాస్ కా బాప్, అభిమానులకు తనని మొన్నటి దాకా థియేటర్స్ లోనే చూసే అవకాశం వుండేది. కాని తాను ప్రస్తుతం టాక్ షో, యాడ్స్ లో కూడా కనిపిస్తూ అలరిస్తున్నాడు. ఇక తన అభిమానులు కాని వారు కూడా ఆహా ఓటిటి లో అన్ స్టాపబుల్ షో చూసి అందరూ జై బాలయ్య అంటూ గోల గోల చేస్తున్నారు. సీజన్ 1 ఓటిటి లలో రికార్డ్ మోత మోగించింది.
ఇప్పుడు సీజన్ 2 చాలా ఆసక్తికరంగా కొనసాగుతోంది. ఇప్పటికే జరిగిన ఎపిసోడ్స్ ఒక రేంజ్ లో ఉంటే ఇక వచ్చే ఎపిసోడ్స్ ప్రభంజనం సృష్టించే అవకాశం ఉందని అంటున్నారు. ఇప్పటికే ప్రభాస్, గోపి చంద్ ఎపిసోడ్ ట్రైలర్ మాత్రమే చూపించినా యూట్యూబ్ లో రికార్డ్స్ క్రియేట్ చేస్తోంది. ఇది పాన్ ఇండియా లెవెల్లో ట్రెండింగ్ లో హల్చల్ చేసింది. ఇక ఇప్పుడు పవన్ కళ్యాణ్ ఎపిసోడ్ తో మరో సారి అదిరిపోయేలా ఉంది.
ఇప్పటికే తెలివిగా ప్రభాస్ ఎపిసోడ్ ను రెండు ఎపిసోడ్స్ గా లాగారు. ఇక పవన్ కల్యాణ్ ఎపిసోడ్ సంక్రాంతికి వస్తుంది అని కూడా అందరూ అనుకున్నారు. జనవరి 13వ తేదీన పవన్ కళ్యాణ్ ఎపిసోడ్ వస్తున్నట్లు వార్తలు కూడా వచ్చాయి. రాబోతున్నట్లు ఇటీవల కొన్ని కథనాలు కూడా వెలుపడ్డాయి. అయితే ఇప్పుడు అకస్మాత్తుగా ఎపిసోడ్ ను వాయిదా వేస్తున్నట్లుగా తెలుస్తోంది. ఇప్పుడు బాలయ్య తన సినిమా ప్రమోషన్లో భాగంగా వీర సింహారెడ్డి టీమ్ సభ్యులతో ఒక ఎపిసోడ్ చేయబోతున్నట్లు తెలుస్తోంది. ఇక ఆ ఎపిసోడ్ జనవరి 13న స్ట్రీమింగ్ చేయబోతున్నట్లు అధికారికంగా ఆహా ఒక పోస్టర్ వేసింది. ఇక పవన్ ఎపిసోడ్ రిపబ్లిక్ డేకు మారింది అని అంటున్నారు.
