మెగా మాస్ లోడింగ్.. ఇంక రఫ్ ఆడిద్దాం అంటూ వాల్తేరు వీరయ్య టీమ్ ఇచ్చిన అప్ డేట్ చూసి మెగా ఫ్యాన్స్ ఖుషీ అవుతున్నారు. వాల్తేరు వీరయ్య టైటిల్ సాంగ్ రిలీజ్ డేట్ ఎప్పుడో చెబుతూ అఫీషియల్ స్టేట్‌మెంట్ ఇచ్చారు మేకర్స్. ఈ సినిమా నుంచి ఇప్పటికే రెండు పాటలు విడుదల అయ్యాయి. అయితే.. ఇంకా టైటిల్ సాంగ్ రిలీజ్ కాలేదు. దాంతో ఈ నెల 26న టైటిల్ సాంగ్‌ని రిలీజ్ చేయబోతున్నట్లు ఈరోజు చిత్ర యూనిట్ ప్రకటించింది. మైత్రీ మూవీ మేకర్స్ బ్యానర్‌పై రూపొందుతున్న ఈ సినిమాకి బాబి దర్శకత్వం వహిస్తుండగా.. చిరంజీవి సరసన శృతి హాసన్ యాక్ట్ చేసింది.
ఇందులో బాలీవుడ్ హీరోయిన్ ఊర్వశి రౌతేలా ఓ ఐటెం సాంగ్ చేసింది. అలానే సీనియర్ హీరో రవితేజ కూడా ఓ పాత్ర పోషిస్తున్నాడు. ఇప్పటికే మూవీలో చిరంజీవి లుక్‌తో పాటు రవితేజ పాత్రకి సంబంధించి టీజర్, రెండు పాటలు రిలీజ్ అవగా.. అభిమానుల నుంచి మంచి స్పందన లభించింది.
వాల్తేరు వీరయ్య జనవరి 13న థియేటర్లలోకి రాబోతోంది. జనవరి 12న నందమూరి బాలకృష్ణ హీరోగా నటించిన వీరసింహా రెడ్డి
రిలీజ్‌కానుండగా.. అదే రోజు తమిళ్ హీరో విజయ్ నటించిన వారీసు మూవీ కూడా తెలుగులో వారసుడుగా రిలీజ్ అవుతోంది. ఈ నేపథ్యంలో సంక్రాంతికి వాల్తేరు వీరయ్య సినిమాకి గట్టి పోటీ ఉండనుంది. ఈ సినిమా ప్రమోషన్స్ విషయంలో మొదటి నుంచి ముందున్న చిరంజీవి.. ఎప్పటికప్పుడు సోషల్ మీడియా ద్వారా అభిమానులకి అప్‌డేట్స్ ఇస్తున్నారు.
