రైతులు కి కేంద్రం ఎన్నో రకాల స్కీమ్స్ ని అందిస్తోంది. ఈ స్కీమ్స్ వలన రైతుల కి ఎంతో ప్రయోజనకరంగా ఉంటుంది. ప్రధాన మంత్రి కిసాన్ సమ్మాన్ నిధి పథకం ద్వారా ఏటా రూ.6,000 పెట్టుబడి సాయం అందిస్తోంది. అలానే కిసాన్ క్రెడిట్ కార్డ్ స్కీమ్‌ను కూడా రైతుల కోసం కేంద్రం తీసుకు వచ్చింది.
ఈ స్కీమ్ ద్వారా రైతులు కి కేవలం 4 శాతం వార్షిక వడ్డీ కి వ్యవసాయ రుణాలు వస్తాయి. ఇక దీని కోసం పూర్తి వివరాలని చూస్తే.. వ్యవసాయం మొదలైన వాటి కోసం రైతులకు లోన్స్ ఇస్తాయి బ్యాంకులు. రూ.3 లక్షల వరకు లోన్ రైతులకి వస్తుంది. ఈ పథకం తో ఇన్స్యూరెన్స్ కవరేజీ కూడా లభిస్తుంది. రైతులు మరణించినా, శాశ్వత వైకల్యానికి గురైనా రూ.50,000 వరకు బీమా కవరేజీ వస్తుంది.
అర్హత ఉంటే స్మార్ట్ కార్డ్, డెబిట్ కార్డ్ కూడా లభిస్తాయి. ఈ డబ్బులు రుణాలను ఎరువులు, విత్తనాల కొనుగోలు కోసం వాడచ్చు. రూ.1.60 లక్షల వరకు లోన్ కి మాత్రం ఎలాంటి పూచీకత్తు అవసరం లేదు. ఇక ఎంత వడ్డీ కి వస్తోందనేది చూస్తే… 7 శాతం వార్షిక వడ్డీ నుంచి లోన్స్ వస్తాయి. మీరు కనుక సకాలంలో లోన్ చెల్లిస్తే 3 శాతం వరకు వడ్డీ మినహాయింపు పొందొచ్చు. రైతులు 4 శాతం మాత్రమే చెల్లించాలి. రిజర్వ్ బ్యాంక్ ఆఫ్ ఇండియా 2022-23, 2023-24 సంవత్సరాలకు రైతులకు కిసాన్ క్రెడిట్ కార్డ్ పథకం కింద వడ్డీ రాయితీ ఇస్తోంది. రైతులు కిసాన్ క్రెడిట్ కార్డ్ తీసుకోవచ్చు.
