పాన్ కు ఆధార్ లింక్ చెయ్యలేదా? మరో రెండు రోజుల్లో డబల్ ఫైన్ కట్టాల్సిందే..

భారత దేశంలో కొన్నిటి పై నిభంధనలు ఇంకా కఠినంగా మారనున్నాయి.జూలై ఒకటి నుంచి కొత్త రూల్స్ అమల్లోకి రానున్నాయి..పాన్‌, ఆధార్‌ కార్డు విషయంలో ఎన్నో నిబంధనలు మారుతున్నాయి. బ్యాంకింగ్‌ రంగంలో ఆధార్‌, పాన్‌ కార్డు ఎంతో కీలకం.ఆధార్‌తో పాన్‌ కార్డు లింక్‌ చేయడం అనేది తప్పనిసరి. ఈ విషయం అందరికి తెలిసిందే. బ్యాంకులు, కేంద్ర ప్రభుత్వం చెబుతూ వస్తోంది. లేకపోతే తీవ్ర ఇబ్బందులు ఎదుర్కొవచ్చు. పాన్,ఆధార్ లింక్‌ చేయకపోతే ఇబ్బందులు ఎదుర్కొనే అవకాశం ఉంటుంది.

కాగా, పాన్‌ కార్డు యాక్టివ్‌గా ఉండాలంటే ముందుగా ఆధార్‌తో లింక్‌ చేసి ఉండాలి. ఈ గడువు మార్చి 31, 2023 వరకు పొడిగించిన విషయం తెలిసిందే.ఆ తర్వాత ఏప్రిల్ 1, 2022 నుండి మీరు మీ పాన్‌ని ఆధార్‌తో లింక్ చేస్తే పెనాల్టీ చెల్లించాల్సి ఉంటుంది. సెంట్రల్ బోర్డ్ ఆఫ్ డైరెక్ట్ టాక్సెస్ (CBDT) మార్చి 29, 2022 నాటి నోటిఫికేషన్ ద్వారా ఈ విషయాన్ని ప్రకటించిన విషయం తెలిసిందే. పాన్‌ను ఆధార్ నంబర్‌తో లింక్ చేయడానికి గడువు మార్చి 31, 2022 నుంచి మార్చి 31, 2023 వరకు పొడిగించబడింది.

ఎంత చెల్లించాల్సి ఉంటుందంటే..30 జూన్ 2022న లేదా అంతకు ముందు మీ పాన్‌ను ఆధార్‌తో లింక్ చేసినట్లయితే, మీరు రూ. 500 ఛార్జీ చెల్లించాల్సి ఉంటుంది. అదే సమయంలో మీరు జూలై 1, 2022న లేదా ఆ తర్వాత ఆధార్-పాన్‌లను లింక్ చేసినట్లయితే మీరు రూ. 1,000 చెల్లించాలి. పాన్ కార్డ్ ఇన్‌యాక్టివ్‌గా ఉన్న తర్వాత, మీరు అనేక సమస్యలను ఎదుర్కోవాల్సి ఉంటుంది. మన దేశంలో జరిగే ఆర్థిక లావాదేవీలన్నింటికీ పాన్ కార్డు ఇవ్వడం తప్పనిసరి..

ఎలా ఫైన్ కట్టాలి..?

*. ముందుగా ఆధార్-పాన్ లింక్ కోసం అభ్యర్థనను సమర్పించడానికి (NSDL) పోర్టల్ ని సందర్శించండి.

*. అభ్యర్థనను సమర్పించడానికి CHALLAN NO./ITNS 280 క్రింద ఉన్న ప్రొసీడ్ ఎంపికపై క్లిక్ చేయండి. ఆ తర్వాత మీకు వర్తించే పన్నును ఎంచుకోండి.

*. ఫీజు చెల్లింపు మైనర్ హెడ్ 500 (ఫీజు) మరియు మేజర్ హెడ్ 0021 కింద ఒకే చలాన్‌లో చేయబడిందని నిర్ధారించుకోండి.

*. మీ నెట్ బ్యాంకింగ్ లేదా డెబిట్ కార్డ్ ద్వారా చెల్లింపు విధానాన్ని ఎంచుకోండి.

*. అప్పుడు, పాన్ నంబర్‌ను నమోదు చేయండి. అసెస్‌మెంట్ సంవత్సరాన్ని ఎంచుకుని, మీ ఇంటి చిరునామాను నమోదు చేయండి.

*. చివరగా, స్క్రీన్‌పై చూపబడిన క్యాప్చా కోడ్‌ను నమోదు చేసి, ప్రొసీడ్ ట్యాబ్‌పై క్లిక్ చేయండి.

ఆధార్-పాన్‌ ను ఎలా లింక్ చెయ్యాలి..?

*. ముందుగా ఆదాయపు పన్ను వెబ్‌సైట్ కి వెళ్లండి.

*. ఆదాయపు పన్ను వెబ్‌సైట్‌ను తెరిచిన తర్వాత ఆధార్‌ లింక్‌పై క్లిక్ చేయండి. దీని తర్వాత మీ స్క్రీన్‌పై కొత్త పేజీ తెరవబడుతుంది.

*. ఇప్పుడు ఇక్కడ మీరు పాన్ కార్డ్, ఆధార్ కార్డ్ వివరాలతో పాటు మీ పేరు, మొబైల్ నంబర్‌ను నమోదు చేయాలి.

*. మొత్తం సమాచారాన్ని పూరించిన తర్వాత I Validate my Aadhaar వివరాలను క్లిక్ చేసి కొనసాగించండి

*. మీ రిజిస్టర్ మొబైల్ నెంబర్ కు ఓటీపీ వస్తుంది.దాన్ని ఎంటర్ చెయ్యలి.తర్వాత మీ ఆధార్-పాన్ లింక్ చేయబడతాయి…