ప్రభుత్వ, ప్రైవేట్ రంగాల్లో ఉద్యోగ, ఉపాధి అవకాశాలు కల్పిస్తున్న టీఆర్ఎస్ ప్రభుత్వానికి యువత అండగా నిలబడాలని మంత్రి కేటీఆర్ కోరారు. ప్రభుత్వ రంగంలో శరవేగంగా ఉద్యోగాల భర్తీ, గ్రామీణ రంగంలో వ్యవసాయం, అనుబంధ రంగాల్లో ఉపాధి కల్పిస్తున్నామని తెలిపారు. మరోవైపు ప్రైవేటు రంగంలో వేలాది పరిశ్రమల స్థాపన ద్వారా యువతకు ఉద్యోగాలు వచ్చేలా కృషి చేస్తున్నట్లు వెల్లడించారు.
ముఖ్యమంత్రి కేసీఆర్ నాయకత్వంలో, తెలంగాణ పారిశ్రామికవేత్తల సమాఖ్య భాగస్వామ్యంలో మునుగోడు యువతకు ఉపాధి అందించే సంకల్పంతో ఆసియాలోనే అతి పెద్ద పారిశ్రామికవాడ దండు మల్కాపూర్‌లో 2019లోనే ప్రభుత్వం నెలకొల్పిందని మంత్రి కేటీఆర్ తెలిపారు. సుమారు 35 వేల మంది స్థానిక యువతకు ఉపాధినందించే ఈ గ్రీన్ ఇండస్ట్రియల్ పార్కులో ఫుడ్ ప్రాసెసింగ్, టాయ్ పార్కు కూడా వస్తోందని వెల్లడించారు. స్థానిక యువతకు నైపుణ్య శిక్షణ ఇచ్చేందుకు స్కిల్ డెవలప్‌మంట్‌ సెంటర్ కూడా శరవేగంగా నిర్మాణం అవుతుందని కేటీఆర్ ట్విటర్‌ వేదికగా చెప్పారు.
ముఖ్యమంత్రి కేసీఆర్ గారి నాయకత్వంలో, తెలంగాణ పారిశ్రామికవేత్తల సమాఖ్య భాగస్వామ్యంలో స్థానిక యువతకు ఉపాధి అందించే సంకల్పంతో ఆసియాలోనే అతి పెద్ద పారిశ్రామికవాడ మునుగోడు నియోజకవర్గంలోని దండు మల్కాపూర్‌లో 2019లోనే నెలకొల్పింది టీఅర్ఎస్ ప్రభుత్వం.@TIF_TELANGANA@Koosukuntla_TRS
1/3 pic.twitter.com/lpRyHiLpeY— KTR (@KTRTRS) October 24, 2022
