ప్రశాంత్ నీల్ దర్శకత్వంలో తెరకెక్కిన KGF2 పిక్చర్ గత నెల 14న విడుదలై రికార్డుల వేట కొనసాగిస్తోంది. బాక్సాఫీసు కా బాప్ అయిపోయాడు రాఖీ భాయ్ అలియాస్ రాకింగ్ స్టార్ యశ్. చాప్టర్ 1కు కొనసాగింపుగా వచ్చిన ఈ కేజీఎఫ్ చాప్టర్ 2..చాప్టర్ 1ను మించి సక్సెస్ అయింది.
బాలీవుడ్ రికార్డులన్నిటినీ తిరగరాసిన KGF2 సరికొత్త రికార్డుల వేటలో తలమునకలైంది. బాలీవుడ్ స్టార్ హీరో మిస్టర్ పర్ఫెక్ట్ ‘‘దంగల్’’ రికార్డు కలెక్షన్స్ ను క్రాస్ చేసింది KGF2. శుక్రవారం ఈ చిత్రం రూ.400 కోట్ల మార్క్‌ను దాటే అవకాశం ఉంది.
ఇప్పటికే ఈ మూవీ ప్రపంచవ్యాప్తంగా బాక్సాఫీసు వద్ద రూ.1,000 కోట్లకు పైగా కలెక్ట్ చేసింది. ఇకపోతే ఈ సినిమా ఎఫ్పుడు ఓటీటీలోకి వస్తుందా? అని సినీ లవర్స్ ఈగర్ గా వెయిట్ చేస్తున్నారు. ఈ తరుణంలో సోషల్ మీడియాలో ఓ వార్త వైరలవుతోంది.
ఈ నెల 27న ప్రముఖ ఓటీటీ ప్లాట్ ఫారంలోకి ఈ పిక్చర్ వచ్చేస్తుందని అంటున్నారు. ఇందుకుగాను ఓటీటీ యాజమాన్యం దాదాపు రూ.320 కోట్లు పెట్టి కొనుగోలు చేసినట్లు సమాచారం. అయితే, ఈ విషయమై అఫీషియల్ అనౌన్స్ మెంట్ అయితే రాలేదు. KGF చాప్టర్1 అమెజాన్ ప్రైమ్ వీడియో OTTలో స్ట్రీమ్ అవుతోంది. KGF2 ఓటీటీ రైట్స్ నూ అమెజాన్ ప్రైమ్ కొనుగోలు చేయబోతుందని సమాచారం.
