టాలీవుడ్ హీరో మంచు విష్ణు ప్రధాన పాత్రలో తెరకెక్కుతున్న మూవీ కన్నప్ప. ఈ చిత్రం నుంచి ప్రభాస్ లుక్ లీకైంది. దీంతో ఇది సోషల్ మీడియాలో వైరల్ అయింది. దీనిపై ప్రభాస్ ఫ్యాన్స్, మేకర్స్ ఆందోళన వ్యక్తం చేస్తున్నారు. ప్రతిష్టాత్మకంగా రూపొందించే సినిమా నుంచి లీక్స్ లేకుండా చర్యలు తీసుకోవాలంటున్నారు. కన్నప్పలో ప్రభాస్ నంది పాత్రలో నటిస్తుండగా.. ఇప్పటివరకు మేకర్స్ ఎలాంటి లుక్ ను రిలీజ్ చేయలేదు. టీజర్ లో కేవలం ఆయన కళ్లను మాత్రమే చూపించారు.
అయితే కన్నప్ప మూవీ నుంచి ప్రభాస్ లుక్ లీకవ్వడంతో మూవీ టీమ్ స్పందించింది. ఈ ఘటన పై పోలీస్ కేసు పెట్టనున్నట్టు వెల్లడించింది. ఈ ప్రాజెక్ట్ కోసం దాదాపు రెండేళ్లుగా 2,000 మంది వీఎఫ్ఎక్స్ నిపుణులు కృషి చేస్తున్నారు. ఫోటో లీక్ అయినందుకు బాధపడుతున్నాం. దీనిని షేర్ చేసినా చర్యలు ఉంటాయి. లీక్ చేసిన వారిని కనుగొంటే.. రూ.5లక్షల బహుమానం ఇస్తామని ట్వీట్ చేసింది చిత్ర యూనిట్.
