సినీ ప్రపంచంలో నటీనటులు ఎంత కీలక పాత్ర పోషిస్తారో.. వారి దగ్గర మేనేజర్లు కూడా అంతే కీలక పాత్ర పోషిస్తుంటారు. ముఖ్యంగా ఏ ఫిలిం ఇండస్ట్రీలో అయినా సరే మేనేజర్లు లేకుండా ఏ ఒక్క పని కూడా జరగదు. అంతలా హీరో హీరోయిన్లకు, దర్శక నిర్మాతలకు మధ్య వారదుల్లాగా పని చేస్తూ ఉంటారు ఈ మేనేజర్లు. నటీనటుల యొక్క కాల్ షీట్స్ దగ్గర్నుంచి పారితోషకం వరకు అన్ని విషయాల్లో కూడా వీరి ప్రాధాన్యత ఉంటుంది. ముఖ్యంగా మేనేజర్లు చెప్పినట్టు వినే యాక్టర్లు కూడా ఉన్నారు. ఈ క్రమంలోనే బాలీవుడ్ లో స్టార్ యాక్టర్స్ కు మేనేజర్లను అందించే ఏజెన్సీలు కూడా చాలా ఉన్నాయి. అందరూ హీరోలాగే షారుక్ ఖాన్ కి కూడా పర్సనల్ మేనేజర్ ఉన్నారు.
ఆమె పేరు పూజా దద్లానీ.. షారుక్ ఖాన్ ను అభిమానించే వారితో పాటు ఆయనను ఫాలో అయ్యే వారికి ఈమె గురించి ప్రత్యేకంగా చెప్పాల్సిన పనిలేదు. అయితే ఈమెకు షారుక్ ఖాన్ ఎంత చెల్లిస్తారు?ఆమె ఏడాది సంపాదన ఎంత? అనేది తెలిస్తే మాత్రం ఖచ్చితంగా ఆశ్చర్యపోతారు. ప్రపంచంలోనే అత్యంత ధనవంతుడిగా గుర్తింపు తెచ్చుకున్న షారుక్ ఖాన్ ఆయన భార్య గౌరీ ఖాన్ కూడా సెలబ్రిటీ ఇంటీరియర్ డిజైనర్ గా భారీగానే సంపాదిస్తుంది. ముంబై రిచెస్ట్ కపుల్స్ గా గుర్తింపు తెచ్చుకున్న ఈ జంట.. ఎక్కువగా మేనేజర్ పూజ పైన ఆధారపడుతూ ఉంటారు.
2012 నుండి ఆయన దగ్గర మేనేజర్ గా పని చేస్తున్న ఈమె వారి ఫ్యామిలీతో సన్నిహితంగా కూడా మెలుగుతూ వస్తోంది. ఇక షారుఖ్ సినిమా వ్యవహారాలే కాదు వ్యక్తిగత జీవితానికి సంబంధించిన విషయాలను కూడా చూసుకుంటూ ఉంటుంది . ముఖ్యంగా జవాన్ సినిమా ప్రమోషన్స్ లో కూడా ఈమె కీలకంగా వ్యవహరించిన విషయం తెలిసిందే. ఇదిలా ఉండగా ఈమె సంపద నికర విలువ రూ .50 కోట్లు ఉంటుందని.. పూజాకు సంవత్సరానికి రూ.9 కోట్ల వరకు షారుక్ కుటుంబం చెల్లిస్తోంది అని సమాచారం.
