వైయస్సార్ టీపీ అధినేత్రి.. ఏపీ సీఎం వైఎస్ జగన్మోహన్ రెడ్డి సోదరి అయిన వైయస్ షర్మిల తాజాగా తన కొడుకుని హీరోగా లాంచ్ చేసే ప్రయత్నంలో ఉందని సమాచారం.. వైయస్ షర్మిల కొడుకు వైయస్ రాజారెడ్డి త్వరలోనే హీరోగా లాంచ్ కాబోతున్నారు అని ఇప్పుడు సోషల్ మీడియాలో ఒక వార్త చాలా వైరల్ గా మారుతోంది. సినిమా హీరోగా లాంఛ్ అవ్వాలని చాలామందికి ఉంటుంది కానీ అదృష్టం కొందరికే లభిస్తుంది. ముఖ్యంగా సినీ ఇండస్ట్రీలో ఉండే హీరోల, దర్శకుల, నిర్మాతల వారసులే ఎక్కువగా ఇండస్ట్రీలోకి హీరోలుగా ఎంట్రీ ఇస్తున్న విషయం తెలిసిందే.
అయితే ఇప్పుడు వేరే రంగాలలో స్థిరపడిన చాలామంది సినిమా హీరోలుగా ప్రయత్నాలు చేస్తున్నారు. మరి ముఖ్యంగా రాజకీయాలలో ఉన్న వారు కూడా తమ పిల్లలను హీరోలుగా లాంచ్ చేస్తున్న విషయం తెలిసిందే. అంతే కాదు వారే పెట్టుబడి పెడుతూ ఒక ప్రయత్నంగా తమ పిల్లలను ఇండస్ట్రీలోకి తీసుకొస్తున్నారు. ఇప్పటికే చాలామంది పొలిటిషియన్స్ పిల్లలు సినిమాల్లోకి రాగా ఇప్పుడు వైఎస్ షర్మిల కొడుకు కూడా హీరోగా లాంఛ్ కాబోతున్నట్లు సమాచారం. ఇక ఈ మేరకు అన్ని ఏర్పాట్లు జరుగుతున్నట్లు తెలుస్తోంది.
ఇతడిని లాంఛ్ చేయడానికి పూరి జగన్నాథ్ ముందుకు వచ్చారట. ఇప్పటికే కథ చెప్పారని అది పూర్తిగా యాక్షన్ ఓరియంటెడ్ గా నడిచే ఫ్యామిలీ డ్రామా అని అంటున్నారు. రామ్ చరణ్ రేంజ్ లో వైయస్ రాజారెడ్డిని లాంచ్ చేయబోతున్నట్లు సమాచారం. తాజాగా తన తల్లితో ఎయిర్ పోర్ట్ లో కనిపించిన వైయస్ రాజారెడ్డి కటౌట్ పూర్తిగా హీరోని మించి ఉండడంతో అంచనాలు రెట్టింపు అవుతున్నాయి. మరి వైయస్ రాజారెడ్డి ఇండస్ట్రీలో ఏ విధంగా నిలవొక్కుకుంటారు చూడాలి.
