వాస్తు: గర్భిణులు ఈ వాస్తు చిట్కాలను పాటిస్తే అందమైన బిడ్డ పుడతారట..!!

తల్లి కావడం స్త్రీలకు వరం..మొదటి నెల నుంచి బిడ్డ పుట్టేవరకూ ప్రతి క్షణం ఒక అద్భుతం లాగా ఫీల్ అవుతారు.గర్భిణులు, పుట్టబోయే బిడ్డ పట్ల ప్రత్యేక శ్రద్ధ తీసుకోవాలి. దీని వల్ల పిల్లల శారీరక, మానసిక ఎదుగుదల సక్రమంగా జరుగుతుంది..శిశువు కడుపులో ఉన్నప్పుడు, మన చుట్టూ ఉన్న వస్తువులు కూడా శిశువుపై ప్రభావం చూపుతాయి. వాస్తు శాస్త్రంలో, గర్భిణీ బిడ్డపై సానుకూల ప్రభావం చూపే విషయాలను ఉంచాలని చెప్పబడింది. గర్భిణీ కొన్ని విషయాలు గురించి తెలుసుకున్నట్లయితే…శిశువు ఆరోగ్యంగా, సంస్కారవంతంగా, సంతోషంగా ఉంటుంది..వాస్తు ప్రకారం గర్భిణీ గది ఎలా ఉండాలో ఇప్పుడు చుద్దాము..

 

గర్భిణీ గదిలో కొన్ని వస్తువులను ఉంచడం వల్ల పాజిటివ్ ఎనర్జీ పెరుగుతుంది. మీరు గర్భిణీ గదిలో శ్రీకృష్ణుడి వేణువు, శంఖాన్ని కూడా ఉంచవచ్చు.ఇది శిశువు ప్రశాంతంగా , ఉల్లాసంగా ఉండటానికి సహాయపడుతుంది..

ఇకపోతే భార్యాభర్తలు నవ్వుతూ ఉన్న ఫోటోను గర్భిణీ గదిలో ఉంచాలి. ఇలా చేస్తే పిల్లవాడు తన తల్లిదండ్రులకు చాలా దగ్గరగా ఉంటాడు. అలాగే గర్భిణీకి ఎప్పుడూ పాజిటివ్ ఫీలింగ్ ఉంటుంది. పుట్టబోయే బిడ్డ కూడా ఆరోగ్యంగా ఉంటాడు..

గర్భిణీ తన గదిలో బాల గోపాలుడి ఫోటో లేదా విగ్రహాన్ని ఉంచాలి. గర్భిణీ ఉదయం లేచిన వెంటనే చూడాలి. ఇలా చేయడం వల్ల స్త్రీ మనసు ఆనందంతో నిండిపోతుంది. ఇది పిల్లలపై కూడా మంచి ప్రభావాన్ని చూపిస్తుంది.. పిల్లలు కూడా చురుగ్గా పుడతారట..

నవ్వుతున్న పిల్లల చిత్రాలను ఉంచాలి. గర్భిణుల కళ్లు మళ్లీ మళ్లీ ఈ ఫొటోపై పడక తప్పదు. నవ్వుతున్న శిశువు యొక్క ఫోటో గర్భధారణ ఆందోళనను తగ్గిస్తుంది. ముఖంపై చిరునవ్వు పూస్తుంది. ఇది గర్భిణీని సంతోషపరుస్తుంది. తల్లి సంతోషంగా ఉంటే కడుపులో ఉన్న బిడ్డ కూడా సంతోషంగా ఉంటాడు..

అంతేకాదు..గర్భిణీలు రాగి లోహంతో చేసిన వాటిని గదిలో ఉంచాలి. ఇది గదికి సానుకూల శక్తిని తెస్తుంది. గర్భిణీ , బిడ్డపై చెడు కన్ను పడదు..

మహాభారతం ఫొటోలు, పుస్తకాలు, కత్తులు, పదునైన వస్తువులు పెట్టవద్దు. గర్భిణీలు సూది పని చేయకూడదు. ఇది పిల్లల ఆరోగ్యాన్ని ప్రతికూలంగా ప్రభావితం చేస్తుందని నమ్ముతారు. అలాగే, గర్భిణీ గది, ఆమె ధరించే బట్టలు ఎల్లప్పుడూ లేత నీలం, పసుపు, తెలుపు , లేత గులాబీ వంటి లేత రంగులను కలిగి ఉండాలి. ఎరుపు, నలుపు, నారింజ వంటి డార్క్ కలర్ లను వాడ కూడదు..

ఇవి కాకుండా నెమలి ఈకలు కూడా పెడితే చాలా మంచిది..ఎప్పుడూ గదిలో ప్రసాంతమైన వాతావరణం ఉండేలా చూసుకోవాలి..