ములుగు జిల్లాలో జరుగుతున్న మేడారం సమ్మక్క సారలమ్మ జాతర సందర్భంగా అమ్మవార్ల దర్శనానికి వస్తున్న పిసిసి చీఫ్ రేవంత్ రెడ్డి కాన్వాయ్ను పోలీసులు అడ్డుకున్నారు. మేడారానికి మూడు కిలోమీటర్ల దూరంలో ఏర్పాటు చేసిన చెక్ పోస్ట్ వద్ద కాన్వాయ్ నిలిపివేశారు. దీనితో భారీగా ట్రాఫిక్ జామ్ ఏర్పడింది. కాసేపటికి రేవంత్ రెడ్డితో పాటు 8 మంది వాహనాలకు అనుమతినిచ్చారు. కొద్దిసేపు కాంగ్రెస్ శ్రేణులు, పోలీసులకు మధ్య వాగ్వాదం జరిగింది.
