మెగాస్టార్ చిరంజీవి ఈ నెల 6న ప్రజలతో కలిసి ఒక కార్యక్రమంలో పాల్గొనేందుకు పశ్చిమ గోదావరి జిల్లా తాడూస‌ల‌క‌లిగూడెం రావటానికి సిద్ధం అయ్యారు. తాడేపల్లిగూడెంలో ఎంతో ప్రఖ్యాతి గాంచిన విశ్వనటుడు ఎస్వీ రంగారావు కాంస్య విగ్రహాన్ని ఆవిష్కరించటానికి రావటానికి ఆయన నిశ్చ‌యించుకున్నారు. మెగాస్టార్ చిరంజీవి ప్రస్తుతం ‘సైరా’ సక్సెస్‌ను ఎంజాయ్ చేస్తున్నారు. కాగా కలెక్షన్ల పరంగా కూడా చిరు మూవీ సత్తా చాటుతుంది. ఇక ఈ సక్సెస్‌ను చిరు అభిమానులతో పంచుకోనున్నారు.
తాడేపల్లిగూడెంలో ఈ నెల 6 వ తేదీన నట చక్రవర్తి ఎస్వీ రంగారావు విగ్రహ ఆవిష్కరణ చిరంజీవి చేతుల మీదుగా జరుగుతుందని ఎస్‌వీఆర్‌ సేవాసంఘం అధ్యక్షుడు భోగిరెడ్డి రాము తెలిపారు. మౌలిక వసతులు, ట్రాఫిక్‌ సమస్యలు లేకుండా చిరంజీవి అభిమానులు సహకారం అందించాలన్నారు. సుమారు 40 వేల మంది కార్యక్రమంలో పాల్గొంటారన్నారు. ఎటువంటి ఇబ్బంది లేకుండా పోలీస్‌ సిబ్బందితో పటిష్టమైన బందోబస్తు నిర్వహిస్తున్నామన్నారు. రేపు మెగాస్టార్ చిరంజీవి హైదారాబాద్‌ నుంచి గన్నవరం విమానాశ్రయానికి చేరుకుంటారని, అక్కడి నుంచి తాడేపల్లిగూడెం వ‌స్తున్న‌ట్టు స‌మాచారం.
