హలో లేడీస్. .ధూమపానం, మద్యపానం చేసే అలవాటుందా..? జర జాగ్రత్త..!

ఒకప్పుడు అంటే మందుకొట్టడం, పొగతాగడం అబ్బాయిలు మాత్రమే చేసేవాళ్లు. అదేదో వాళ్లకు పుట్టుకతో వచ్చిన హక్కులా ఉండేది. కానీ, కాలం మారింది.. అమ్మాయిలు కూడా ఆల్కాహాల్‌ అవలీలగా తాగేస్తున్నారు. రింగ్ రింగ్‌లుమని పొగ ఊదుతూ స్మోకింగ్‌ చేస్తున్నారు. చెడు అలవాట్లు అంటే ఎవరికైనా చెడే చేస్తాయి. దానికి జండెర్‌ డిస్క్రిమినేషన్‌ అస్సలు ఉండదుగా..! అయితే ఈ స్మోకింగ్‌, డ్రింకింగ్‌ వల్ల అబ్బాయిలకంటే.. అమ్మాయిలమీద ఇంకా ఎక్కువ ఎఫెక్ట్‌ ఉంటుందట. ఏదో లైఫ్‌లో ఎంజాయ్‌మెంట్‌ లేదని వీటికి అలవాటు పడితే.. సరదా సరదాగా మీ జీవితంలోంచి వెళ్లిపోతుంది అమ్మాయిలూ.! ఇంతకీ స్పెషల్‌గా లేడీస్‌కు వచ్చే సమస్యలేంటో చూద్దామా..!

చిగుళ్ల సమస్యలు

పొగాకు వాడకం చిగుళ్ల వ్యాధులకు దారి తీస్తుంది. చివరికి ఎముకలు, దంతాల సమస్యలకు దారి తీస్తుంది.

కంటిశుక్లం

ధూమపానం, మద్యపానం చేసే స్త్రీలకు కంటిశుక్లం వచ్చే అవకాశం ఎక్కువగా ఉంటుంది. ఇది పొగమంచు లెన్స్‌తో కూడిన కంటి వ్యాధి.

తగ్గిన ఎముక సాంద్రత..

మోనోపాజ్​లో ఉన్న మహిళలు పొగాకు తీసుకుంటే వారిలో ఎముకల సాంద్రత తగ్గిపోతుంది. పొగాకు సేవించే మహిళల్లో కంటే పొగాకు తీసుకోని మహిళలు ఎక్కువ ఎముక సాంద్రతను కలిగి ఉంటారట.

రుతువిరతి

పిరియడ్స్ చక్రం ముగింపు దశను రుతువిరతి అంటారు. ధూమపానం, మద్యపానం చేసే స్త్రీలు చిన్న వయస్సులోనే అధ్వాన్నమైన లక్షణాలతో రుతువిరతి బారిన పడే అవకాశం ఉంది. ఆల్కహాల్ వేడి ఫ్లష్‌లు, రాత్రి చెమట వంటి కొన్ని లక్షణాలను ప్రేరేపిస్తుంది.

రుమటాయిడ్ ఆర్థరైటిస్..

రుమటాయిడ్ ఆర్థరైటిస్ అనేది కీళ్లలో బాధాకరమైన మంటను కలిగించే దీర్ఘకాలిక వ్యాధి. ధూమపానం, మద్యపానం చేసే స్త్రీలకు, తీసుకోని వారి కంటే రుమటాయిడ్ ఆర్థరైటిస్ వచ్చే అవకాశాలు ఎక్కువగా ఉంటాయి.

గర్భధారణ సమస్యలు

ధూమపానం, మద్యపానం చేసే స్త్రీలకు గర్భం దాల్చడంలో కూడా సమస్యలు ఏర్పడతాయి. గర్భధారణ సమయంలో ధూమపానం వల్ల గర్భస్రావం, నెలలు నిండకుండానే ప్రసవాలు, తక్కువ బరువున్న పిల్లలు పుట్టే అవకాశాలు ఎక్కువగా ఉంటాయి.

భారతదేశంలో ప్రతిరోజూ మద్యం సేవించే, ధూమపానం చేసే మహిళలు 12.1 మిలియన్ల మంది ఉన్నారు. పొగాకు, మద్యపానం రెండూ స్త్రీ ఆరోగ్యానికి వినాశకరమైనవి. మీరు కూడా ఈ లిస్ట్‌లో ఉన్నట్లైతే ఓసారి ఆలోచించుకోండి. అందమైన భవిష్యత్తు ముందు ఇంకా చాలా ఉంది. మీ చేతుల్తో మీరే కాలరాసుకోవద్దని గైనకాలజిస్ట్‌ నిపుణులు సూచిస్తున్నారు.

-Triveni Buskarowthu