కడుపు క్యాన్సర్ లేదా గ్యాస్ట్రిక్ క్యాన్సర్ అంటే కడుపులో కణాలు నియంత్రణ లేకుండా పెరగడం. జీవనశైలి, ఆహారంలో మార్పులు కడుపు క్యాన్సర్ ప్రమాదాన్ని పెంచుతాయి. అదేవిధంగా.. కొన్ని ఇన్ఫెక్షన్లు, అల్సర్లు, అధిక ఆమ్లత్వం, సరైన ఆహారం, ధూమపానం వంటివి కడుపు క్యాన్సర్‌కు కారణమవుతాయి. ఈరోజుల్లో క్యాన్సర్ కూడా సాధారణ వ్యాధిలా మారిపోయింది. ఒకప్పుడు అరుదుగా క్యాన్సర్ బారిన పడేవాళ్లు.. కానీ ఇప్పుడు మన చుట్టుపక్కనే ఎంతోమంది రకరకాల క్యాన్సర్‌తో బాధపడుతున్నారు. క్యాన్సర్ లక్షణాలను గుర్తించకపోవడమే ఇక్కడ ప్రధాన సమస్య.
కడుపు క్యాన్సర్ లక్షణాలు ఏమిటో చూద్దాం
అజీర్ణం, గుండెల్లో మంట లేదా కడుపు నొప్పి కడుపు క్యాన్సర్ యొక్క అతి ముఖ్యమైన లక్షణాలు. పొత్తికడుపు పైభాగంలో నిరంతర నొప్పి, తిన్న తర్వాత తరచుగా వాంతులు కావడం, వాంతి సమయంలో రక్తస్రావం, పొత్తికడుపు వాపు, ఆహారం మింగడంలో ఇబ్బంది, ఆకలి లేకపోవడం, మలబద్ధకం, నల్లటి మలం, వివరించలేని బరువు తగ్గడం, అలసట మొదలైనవి కొన్నిసార్లు కడుపు క్యాన్సర్ లక్షణాలు కావచ్చు.
కడుపు క్యాన్సర్‌కు ప్రధాన కారణాలు…
1. హెలికోబాక్టర్ పైలోరీ ఇన్ఫెక్షన్: ఈ బాక్టీరియం కడుపు క్యాన్సర్‌కు ప్రధాన ప్రమాద కారకం.
2. ఆహార కారకాలు: ఉప్పగా ఉండే ఆహారాన్ని ఎక్కువగా తీసుకోవడం, పండ్లు మరియు కూరగాయలు తక్కువగా తీసుకోవడం, ధూమపానం మొదలైనవి ప్రమాదాన్ని పెంచుతాయి.
3. ఆల్కహాల్ మరియు పొగాకు ఉత్పత్తుల వాడకం: ఆల్కహాల్ మరియు పొగాకు ఉత్పత్తుల వాడకం కూడా కడుపు క్యాన్సర్ ప్రమాదాన్ని పెంచుతుంది.
4. జన్యుపరమైన కారణాలు: కొన్ని జన్యుపరమైన వ్యాధులు వారసత్వంగా వచ్చిన వ్యక్తులు కడుపు క్యాన్సర్‌కు గురయ్యే అవకాశం ఉంది.
ఇలాంటి లక్షణాలు ఏమైనా మీ శరీరంలో కనిపిస్తే.. వెంటనే వైద్యులను సంప్రదించి పరీక్షలు చేయించుకోవడం ఉత్తమం. ఏదో సమస్య ఉందని వెళ్తే అసలు సమస్య బయటపడుతుంది.
