మనసును ప్రశాంతంగా ఉంచుకోవడానికి ధ్యానం చేయడం కన్నా మంచి మార్గం మరోటి లేదని చెప్పవచ్చు. ఎమోషనల్ గా బలంగా తయారవడానికి ధ్యానం బాగా పనిచేస్తుంది. ధ్యానం అనేది ఈ మధ్య తెరమీదకు వచ్చిన ప్రక్రియ కాదు. అనాదిగా భారతదేశ సంస్కృతిలో ఉన్నదే. 2025లో ధ్యానం ద్వారా మనసును ప్రశాంతంగా ఉంచుకుని మంచి జీవితాన్ని జీవించాలని మీరు అనుకుంటే వెంటనే ధ్యానం మొదలుపెట్టండి.
అయితే మొదలు పెట్టేటపుడు ఈ కింది విషయాలను గుర్తుంచుకోండి.
నిశ్శబ్దమైన ప్రదేశం ఎంచుకోండి:
ధ్యానం చేయాలనుకుంటే ఎలాంటి డిస్టర్బెన్స్ లేని ప్రదేశం ఎంచుకోండి. మీరు ఇప్పుడిప్పుడే మొదలు పెడుతున్నారు కాబట్టి ఫోకస్ మారిపోకూడదంటే ధ్యానం చేసే ప్రదేశం బాగుండాలి. లేదంటే డైవర్ట్ అయిపోయే అవకాశం ఎక్కువ.
శ్వాస మీద ధ్యాస:
ధ్యానం చేస్తుంటే మనసులోకి రకరకాల ఆలోచనలు వస్తాయి. ఎందుకంటే మీరు కొత్త కాబట్టి. మీ దృష్టిని పూర్తిగా మీ శ్వాస మీద పెడితే ఆలోచనలు రావు. శ్వాస తీసుకుంటున్నప్పుడు, వదిలినపుడు మీ శరీరం ఎలా ఫీలవుతుందో గమనించండి.
మంత్రం చేసే సాయం:
మీరింకా ధ్యానంలో పర్ఫెక్ట్ కాలేదు కావున సైలెంట్ గా ధ్యానం చేస్తుంటే బోర్ కొట్టే అవకాశం ఉంది. అందుకే ఏదైనా మంత్రం జపించండి. ఉదాహరణకు ఓం ఓం.. అని జపిస్తూ ధ్యానం చేయండి. దీనివల్ల మీకు సమయం తెలియదు.
నెమ్మదిగా పెంచండి:
ధ్యానం చేసే సమయాన్ని రోజూ కొంత పెంచండి. మొదట్లోనే పది నిమిషాలు చేయాలను ఫిక్స్ అవ్వొద్దు. దీనివల్ల మొదటికే మోసం వస్తుంది. అలవాటు అయ్యేంత వరకు తక్కువ సమయం చేసి, అలవాటు పడిన తర్వాత సమయాన్ని పెంచండి.
