వృధ్యాప్యంలో ఎన్నో ఆరోగ్య సమస్యలు వస్తుంటాయి.. మోకాళ్ల నొప్పులు వచ్చేస్తాయి.. అడుగు తీసి అడుగు వేయాలంటే వారికి చాలా కష్టం. ఇంకా చాలా సమస్యలతో వృధ్యాప్యాన్ని నెట్టుకొస్తుంటారు. అయితే ఈ భామ్మలు మాత్రం అలాకాదు.. ఏకంగా రోడ్డుపై స్కేటింగ్ చేస్తున్నారు. స్కేటింగ్ యువత చేయడమే చాలా కష్టంగా ఉంటుంది. పొరపాటున జారిపడ్డారంటే.. నడుములు విరిగిపోతాయి.. అలాంటిది ఆ బామ్మలు మాత్రం రోడ్డుపై రయ్‌ రయ్‌మని స్కేటింగ్ చేస్తున్నారు. ఇటీవల కొందరు వృద్ధ మహిళలు రోడ్డుపై స్కేటింగ్ చేస్తున్న ఫొటో ఒకటి సోషల్ మీడియాలో చక్కర్లు కొడుతోంది. దీన్ని చూసిన నెటిజన్లు షాక్‌కి గురవుతున్నారు. హాట్‌ కేక్‌లా ఈ మ్యాటర్‌ స్ప్రెడ్‌ అయిపోయింది. చూసిన వారంతా అందరికీ షేర్‌ చేసేశారు.. అయితే అసలు విషయం తెలిసి అందరూ షాక్కు గురయ్యారు.
View this post on Instagram
స్కేటింగ్ చేస్తున్న ఫొటోల్లో ఉన్న వృద్ధులు అంతా 70 నుంచి 80 ఏళ్ల మధ్య వయసున్న మహిళలే కావడం మరింత ఆశ్చర్యాన్ని కలిగిస్తోంది. అయితే ఈ ఫోటోలు నిజం కాదట.. పాపం అందరూ నిజమే అనుకోని తెగ ఫీల్‌ అయ్యారు. అసలు మ్యాటర్‌ ఏంటంటే..
ఆర్టిఫిషియల్ ఇంటెలిజెన్స్ ఇమేజ్ జనరేట్ చేసింది
ప్రస్తుతం ఈ ఫోటోలను ఆశిష్ జోస్ ఇన్స్టాగ్రామ్ పేజ్ తార్కిబ్‌లో పోస్ట్ చేశాడు. ఆర్టిఫిషియల్ ఇంటెలిజెన్స్ సహాయంతో ఈ చిత్రాలను రూపొందించినట్లు తెలియజేశారు. ఈ నిజం తెలిసిన వెంటనే యూజర్లు షాక్కు గురయ్యారు. చాలా మంది యూజర్లు ఈ ఫొటోలు నిజమని, తాము నిజంగా ఆశ్చర్యపోయామని కమెంట్‌లో పేర్కొన్నారు.
ఈ రోజుల్లో ఆర్టిఫిషియల్ ఇంటెలిజెన్స్ ద్వారా చాలా చిత్రాలు రూపొందుతున్నాయి. ఈ మధ్య కాలంలో ఇందులో దేవుళ్ళ నుంచి ప్రపంచంలోని కొంతమంది ధనవంతుల వరకు ఏఐ ఫొటోలు వచ్చాయి. ప్రస్తుతం వృద్ధ మహిళలు స్కేట్‌బోర్డును ఆస్వాదిస్తున్న ఈ ఫోటోలు సోషల్ మీడియాలో చెక్కర్లు కొడుతున్నాయి. ఎక్కడా కొంచెం కూడా డౌట్‌ రాకుండా ఈ ఫోటోలు భలే ఉన్నాయి కదా..! మీరు చూసేయండి.
View this post on Instagram
