తెలిసిన వ్యక్తే కదా అని క్యాబ్ ఎక్కితే.. 60 ఏళ్ళ వృద్ధురాలిపై అత్యాచారానికి పాల్పడ్డాడు ఓ దుర్మార్గుడు. వివరాల్లోకి వెళితే..ఢిల్లీలో దారుణం చోటు చేసుకుంది. ఈ ఘటన ఆలస్యంగా వెలుగులోనికి వచ్చింది. సఫ్దర్ జంగ్ ప్రాంతంలో ఒక మహిళపై క్యాబ్ డ్రైవర్ అత్యాచారానికి పాల్పడ్డాడు. ఈ ఘటన మే 11 న జరిగింది. కాగా, సఫ్దర్ జంగ్ ప్రాంతంలో 62 ఏళ్ల వృద్ధురాలు ఒంటరిగా జీవిస్తుంది. ఆమెను బంధువులు అప్పుడప్పుడు వచ్చి చూసిపోతుంటారు. ఈ క్రమంలో.. ఆమెకు ఇంటి దగ్గర క్యాబ్ డ్రైవర్ తో పరిచయం ఏర్పడింది. ఆమె ఎక్కడికి వెళ్లాలన్న అదే క్యాబ్ లో వెళ్లేది. బాధితురాలు.. మే 11 న కన్నాట్ ప్రాంతానికి వెళ్లడానికి క్యాబ్ బుక్ చేసుకుంది. ఆ తర్వాత తిరిగి వచ్చేటప్పుడు చీకటిపడింది.
అప్పుడు క్యాబ్ డ్రైవర్ కారును నిర్జన ప్రాంతానికి తీసుకెళ్లాడు. ఆమెను బలవంతంగా కారులో నుంచి బయటకు లాగి కిందపడేశాడు. ఆ తర్వాత.. అత్యాచారానికి పాల్పడ్డాడు. ఆమె ప్రతిఘటించడంతొో తీవ్రంగా గాయపర్చాడు. ఆ తర్వాత.. ఆమెను రోడ్డుమీద తీసుకొచ్చి వదిలేసి పారిపోయాడు. ఈ క్రమంలో బాధితురాలు, తీవ్ర గాయాలపాలైన దశలో స్థానికులు ఆమెను గుర్తించారు. వెంటనే పోలసులకు సమాచారం అందించారు. బాధితురాలిని ఆస్పత్రికి తరలించారు. బాధితురాలి ఫిర్యాదు మేరకు పోలీసులు కేసు నమోదు చేశారు. పరారీలో ఉన్న నిందితుడి కోసం గాలింపు చర్యలు చేపట్టారు పోలీసులు.
