తెలంగాణ తిరుమలగా గుర్తింపు పొందిన యాదాద్రి ఆలయానికి అరుదైన గుర్తింపు లభించింది. తపాలా శాఖ యాదాద్రి ఆలయ ఫోటోతో పోస్టల్ కవర్ రిలీజ్ చేసింది. తెలంగాణలో ఈ గుర్తింపు పొందిన తొలి ఆలయం యాదాద్రి కావడం విశేషం. సోమవారం యాదాద్రి ఆలయాన్ని సందర్శించిన కేంద్ర సహాయ మంత్రి దేవు సిన్హు చౌహన్ భువనగిరి పోస్ట్ ఆఫీసులో యాదాద్రి ఆలయంతో ఉన్న పోస్టల్ కవర్ ను రిలీజ్ చేసింది.
ఈ స్పెషల్ కవర్ పై యాదాద్రి ఆలయం ఏరియల్ వ్యూను ముద్రించారు. ఆలయానికి సంబంధించిన వివరాలతో బ్రోచర్ ను కూడా ఈ కవర్ పై ముద్రించారు. యాదాద్రి ఆలయం పై స్పెషల్ కవర్ ను రిలీజ్ చేసే అవకాశం దక్కడాన్ని అదృష్టంగా భావిస్తున్నానని మంత్రి తెలిపారు. ఈ ఆలయానికి సంబంధించిన ప్రస్తావన వేదాలు, స్కంద పురాణంలో ఉందన్నాడు. ఇటీవల యాదాద్రి ఆలయాన్ని తెలంగాణ ప్రభుత్వం పునర్నిర్మించిన సంగతి తెలిసిందే. ఆలయ రెనోవేషణ్ కోసం రూ.1200 కోట్లు ఖర్చు చేశారు. ఇందుకోసం 39 కిలోల బంగారం, భారీ మొత్తంలో వెండిని ఉపయోగించారు.
