టాలీవుడ్ యంగ్ హీరో అక్కినేని అఖిల్.. చాలా కాలం నుంచి సాలిడ్ హిట్ కోసం ఎదరు చూస్తున్నాడు.ఈ క్రమంలోనే ఇటీవల విడుదలైన ‘మోస్ట్ ఎలిజిబుల్ బ్యాచ్‌లర్’ కొంత మేరకు సక్సెస్ అయింది. ఇందులో లవర్ బాయ్ గా అఖిల్ నటనకు మంచి మార్కులే పడ్డాయి. కాగా, సరైన హిట్ ఫిల్మ్ ‘ఏజెంట్’ రూపంలో రాబోతున్నదని అక్కినేని వారి అభిమానులు అంటున్నారు.
స్టార్ డైరెక్టర్ సురేందర్ రెడ్డి దర్శకత్వంలో తెరకెక్కుతున్న ఈ చిత్రానికి వక్కంతం వంశీ స్టోరి అందించినట్లు తెలుస్తోంది. ఇక ఈ పిక్చర్ లో మాలీవుడ్ (మలయాళ) మెగాస్టార్ మమ్ముట్టి కీలక పాత్ర పోషించడం విశేషం. సాక్షి వైద్య హీరోయిన్ గా నటిస్తోంది.
‘‘ఏజెంట్’’ ఫిల్మ్ కోసం అక్కినేని అఖిల్ బాడీ బిల్డింగ్, సిక్స్ ప్యాక్ చేశారు. ఈ చిత్రంలో చాలా సర్ ప్రైజెస్ ఉంటాయని తెలుస్తోంది.తాజాగా ఈ చిత్ర అప్ డేట్ ఇచ్చేశారు మేకర్స్. ‘మంచు కొండల్లో ఇంటెన్స్ యాక్షన్ సీక్వెన్సెస్ షూట్ జరుగుతున్నట్లు’ తెలిపారు. ఈ మేరకు ట్విట్టర్ వేదికగా అక్కినేని అఖిల్ ఫొటోలు షేర్ చేశారు.
సదరు ఫొటోల్లో అక్కినేని అఖిల్ ముఖంపైన రక్తపు మరకలు కనబడుతున్నాయి. ఈ చిత్రం కోసం అక్కినేని అఖిల్ చాలా కష్టపడుతున్నాడన్న సంగతి స్పష్టమవుతోంది. ఈ క్రమంలోనే డెఫినెట్ గా చిత్రం విజయం సాధిస్తుందని మేకర్స్ ధీమా వ్యక్తం చేస్తున్నారు. ఈ చిత్రం ఈ ఏడాది ఆగస్టు 12న విడుదల కానుంది.
Dashing #AkilAkkineni during shoot of intense action sequences for #Agent 🔥 @AkhilAkkineni8 💥 pic.twitter.com/IqN76DBFVc
— Vamsi Kaka (@vamsikaka) May 28, 2022
