Vijayawada: విజయవాడ ఇంద్రకీలాద్రికి భక్తులు పొటెత్తారు. ఇంద్రకీలాద్రిపై వైభవంగా దసరా శరన్నవరాత్రి ఉత్సవాలు కొనసాగుతున్నాయి. ఇవాళ సరస్వతీదేవి అలంకారంలో కనకదుర్గమ్మ దర్శనం ఇవ్వనున్నారు. నేడు మూలానక్షత్రం సందర్భంగా భక్తులు..పోటెత్తారు. ఇక ఇవాళ మధ్యాహ్నం 2 గంటల నుంచీ 3 గంటల మధ్యలో కనకదుర్గమ్మ కు సారె సమర్పించనున్నారు సీఎం చంద్రబాబు.
సీఎంతో పాటు సీఎం సెక్యూరిటీ అనుమతిచ్చిన వారికి మాత్రమే ఆలయంలోనికి అనుమతి ఉంటుంది. ఉదయం 9 గంటలకు కనకదుర్గమ్మ దర్శనం చేసుకోనున్నారు డిప్యూటీ సీఎం పవన్ కళ్యాణ్. సీఎం, డిప్యూటీ సీఎం ల రాక కారణంగా సామాన్య భక్తుడి దర్శనం నిలుపుదల ఉండదని దేవాదాయ శాఖామంత్రి పేర్కొన్నారు. అటు ఇవాళ సాయంత్రం 4 గంటల తరువాతే వీఐపీ దర్శనాలకు అనుమతి ఉంటుంది.
