పోలవరాన్ని ప్రశ్నిస్తే.. తెలంగాణ ఏర్పాటును ప్రశ్నించినట్లేనని సోము వీర్రాజు సంచలన వ్యాఖ్యలు చేశారు. పోలవరం అంశాన్ని వివాదం చేసే కుట్ర జరుగుతుందని… పోలవరం గురించి ప్రశ్నిస్తే.. రాష్ట్ర విభజన అంశాన్ని తిరగ తోడినట్లేనని తేల్చి చెప్పారు. రాష్ట్ర విభజన బిల్లు ప్రకారం పోలవరం నిర్మాణం చేయాలని.. రాష్ట్ర విభజనపై పూర్తిగా అధ్యయనం చేసిన ఏకైక పార్టీ బీజేపీ అని పేర్కొన్నారు.
పోలవరం ముంపు ప్రాంతాల్లో కొన్ని గ్రామాల ప్రజలు తెలంగాణ కలుస్తామంటున్నారని.. వారంతా భద్రాచలం మీద ఆధార పడటం వల్ల అటు చూస్తున్నారని చెప్పారు. విలీనం చేసిన మండలాల్లో సీపీఎం ఆందోళన చేయడం ఏమిటి..? ఏం మాయ రోగం వచ్చింది.. టీఆర్ఎస్ పార్టీతో లాలూచి పడి రోడ్డెక్కారా..? అని ఆగ్రహం వ్యక్తం చేశారు.
వారికి అన్నీ తెలిసి కూడా ఇలా చేస్తారా..? చంద్రబాబు పోలవరం సోమవారం అని ఆర్భాటం చేశారు… పోలవరం విషయంలో జగన్ ప్రజలను మోసం చేస్తున్నారని నిప్పులు చెరిగారు. గతంలో చంద్రబాబు కూడా ఇలానే ప్రకటించి దెబ్బ తిన్నారని.. చంద్రబాబు పెద్ద ఎత్తున అవినీతి చేశారని జగన్ ప్రచారం చేశారని ఫైర్ అయ్యారు. మూడేళ్లలో వాటిని బయట పెట్టి ఎందుకు చర్యలు తీసుకోలేదు..? లోయర్ కాపర్ డ్యాం పాడైన విషయం పై అధ్యయనం జరుగుతుందని.. రేషన్ బియ్యం ఇవ్వకుండా జగన్ మోసం చేస్తున్నారని ఓ రేంజ్‌ లో ఫైర్ అయ్యారు. పేదలకు కేంద్రం ఇచ్చిన బియ్యం జగన్ పంపిణీ చేయడం లేదన్నారు.
