‘అరుంధతి’ సినిమా గురించి తెలుగు ప్రేక్షకులు ఎప్పటికీ మరిచిపోలేరు. లేడీ ఓరియెంటెడ్ సినిమా వచ్చిన ‘ అరుంధతి’ రికార్డ్ స్థాయిలో కలెక్షన్లు రాబట్టింది. ఏకంగా అనుష్కకు స్టార్ ఇమేజ్ ను తీసుకువచ్చింది. 2009లో కోడి రామక్రిష్ణ డైరెక్షన్ లో వచ్చిన ఈ సినిమా అనుష్కతో పాటు విలన్ గా నటించిన సోనూసూద్, షీయాజీ షిండేకు ఎనలేని క్రేజ్ తెచ్చింది. సోనూసూద్ చెప్పిన ‘ అమ్మా బొమ్మాళీ’ అనే డైలాగ్ అరుంధతి అని చెప్పగానే మారుమోగుతుంది.
ఇదిలా ఉంటే అరుంధతిలో చిన్ననాటి అరుంధతిగా కనిపించిన చిన్నది ‘ దివ్య నగేష్’ అన నటనతో ఆకట్టుకుంది. చైల్డ్ ఆర్టిస్ట్ అయిన ఆమె కళ్లలో చూపిన తెగువ ఇప్పటికీ అందరికీ గుర్తే. చిన్ననాటి అరుంధతిగా తాను చేసిన పవర్ ఫుల్ రోల్ సినిమాకు ప్లస్ అయింది. అరుంధతి సినిమా దివ్యా నగేష్ కు మరిచిపోలేని సినిమాగా నిలిచిపోయింది. 
అయితే ప్రస్తుతం దివ్య నగేష్ గుర్తుపట్టలేని విధంగా మారిపోయింది. సినిమా విడుదలై దాదాపుగా 13 ఏళ్లు అవుతోంది. అయితే అరుంధతి సినిమా తర్వాత పెద్దగా తెలుగు తెరపై కనిపించలేదు దివ్య నగేష్. అయితే మళయాళంలో కొన్ని సినిమాల్లో హీరోయిన్ గా చేసింది. తెలుగులో కూడా ‘ నాన్న నేను అబద్ధం’ అనే సినిమా చేసింది. ప్రస్తుతం దివ్యనగేష్ ఫోటోలు సోషల్ మీడియాలో వైరల్ అవుతున్నాయి. అప్పటి అరుంధతితో పోలిస్తే గుర్తు పట్టలేని అందంగా తయారైంది దివ్యానగేష్.
