కాంగ్రెస్ అధినేత రాహుల్ గాంధీ తెలంగాణ పర్యటన ఇప్పటికే ఖరారైంది. అయితే రాహుల్ పర్యటనలో స్వల్ప మార్పులు చేసింది కాంగ్రెస్ పార్టీ. మే 6,7న తెలంగాణలో రాహుల్ గాంధీ పర్యటించనున్నారు. ఈ నేపథ్యంలో మే6న వరంగల్ లో బహిరంగ సభ నిర్వహించాలని కాంగ్రెస్ పార్టీ భావించింది. అయితే బహిరంగ సభతో పాటు ర్యాలీ కూడా నిర్వహించాలని కాంగ్రెస్ పార్టీ నిర్ణయించింది. మే 6న 2 గంటలకు హైదరాబాద్ కు చేరుకుని … అక్కడ నుంచి హెలికాప్టర్ ద్వారా వరంగల్ కాకతీయ యూనివర్సిటీకి చేరుకుని.. అక్కడ నుంచి దాదాపు 6 కిలోమీటర్ల దూరంలో ఉన్న బహిరంగ సభ జరిగే ఆర్ట్స్ కాలేజీ వరకు రోడ్ షో నిర్వహించనున్నారు.
