ఇటీవల నిర్వహించిన ఏపీ ఎంసెట్ ఫలితాల కోసం విద్యార్థులు, తల్లి దండ్రులు ఆసక్తిగా ఎదురు చూస్తున్నారు.అయితే ఈ ఫలితాలు వచ్చే నెల 15 కు విడుదల కానున్నాయని సమాచారం.ఇప్పటికే ఈ పరీక్షలకు సంబంధించిన ఆన్సర్‌ కీ విడుదలైన విషయం తెలిసిందే. వివరాల్లోకెళ్తే..ఏపీ ఎంసెట్ ఆన్సర్‌ కీ విడుదల.. ఈ లింక్‌ ద్వారా చెక్‌చేసుకోవచ్చు..
ఈ ఎంసెట్ ఫలితాల కీ జులై 12 న మంగళవారం విడుదల అయ్యింది.పరీక్షకు హాజరైన అభ్యర్థులు అధికారిక వెబ్‌సైట్‌ https://cets.apsche.ap.gov.in/ వెబ్‌సైట్‌లో చెక్‌ చేసుకోవచ్చు.ఇంజనీరింగ్, అగ్రికల్చర్, ఫార్మా కోర్సుల్లో ప్రవేశానికి నిర్వహించే ఏపీ ఈఏపీసెట్‌ ఈ నెల 4 నుంచి 12 వరకు జరిగిన విషయం తెలిసిందే. 4 నుంచి 8 వరకు ఇంజనీరింగ్ పరీక్ష.. 11 నుంచి 12 వరకు అగ్రికల్చర్, ఫార్మసీ పరీక్ష నిర్వహించారు..
ఇందుకోసం రాష్ట్రంలో 120, తెలంగాణలో 2 సెంటర్లను ఏర్పాటు చేశారు. మొత్తం 3 లక్షల 84 వేల మంది విద్యార్థులు పరీక్షలకు హాజరయ్యారు. అయితే.. ఈసారి ఈఏపీసెట్‌లో ఇంటర్మీడియెట్‌ మార్కుల వెయిటేజీని ప్రభుత్వం రద్దుచేసింది. దీంతో మెరిట్‌ ర్యాంకులు పూర్తిగా సెట్‌ పరీక్షల మార్కుల ఆధారంగానే ఇవ్వనున్నారు. ఇది విద్యార్థులు గుర్తుంచుకోవాలి..
