కేంద్ర ప్రభుత్వం మార్చి నెలలో ప్రధానమంత్రి గరీబ్ కళ్యాణ్ అన్నా యోజన, ఉచిత రేషన్ స్కీమును మరోఆరునెలలు పొడిగిస్తూ నిర్ణయం తీసుకుంది. అంటే సెప్టెంబర్ వరకు ఈ ఫెసిలిటీ అందుబాటులో ఉంటుంది. భారత ప్రభుత్వం ఈ స్కీమును గతంలోనే తీసుకువచ్చింది. కరోనా వల్ల ప్రజలు ఇబ్బందులు పడకూడదనే ఉచితంగా ఐదు కేజీల బియ్యాన్ని అందిస్తూ వస్తుంది. దాదాపు 80 కోట్ల మంది ఈ నిర్ణయం వల్ల ఊరట పొందారు. ఇంకా లబ్ధి పొందుతూనే వస్తున్నారు.
రాష్ట్ర ప్రభుత్వం అందించే రేషన్ కు కేంద్రం అదనంగా ఐదు కేజీల బియ్యం ఇస్తోంది. అయితే ఆర్థిక శాఖ ఈ స్కీమ్ పై విముఖంగా ఉన్నట్లు తెలుస్తోంది. వెలువడుతున్న నివేదికల ప్రకారం చూస్తే.. ప్రభుత్వ ఆర్థిక స్థితిని తిరిగి స్తిరీకరిగించడానికి సెప్టెంబరు లో ఈ పథకాన్ని నిలిపివేయాలని ఆర్థిక శాఖకు చెందిన డిపార్ట్మెంట్ ఆఫ్ ఎక్స్పెండేచర్ కేంద్రానికి తెలియజేసింది. అలాగే పన్ను తగ్గింపు వంటి నిర్ణయాలు తీసుకోవద్దని కోరింది. లేదంటే ఇబ్బందులు ఎదుర్కోవాల్సి రావచ్చు అని హెచ్చరించింది.
