బోయపాటి శ్రీను దర్శకత్వంలో, నందమూరి బాలకృష్ణ గారు కథానాయకుడిగా నటించిన ‘అఖండ’ సినిమా, ఇండస్ట్రీ లో ఎంత పెద్ద సంచలన విజయం సృష్టించిందో ప్రత్యేకంగా చెప్పక్కర్లేదు . 2021 డిసెంబర్లో రిలీజ్ అయిన ఈ సినిమా, నందమూరి బాలకృష్ణ కెరియర్లోనే అత్యధిక వసూళ్లను సాధించిన చిత్రంగా చరిత్రలో నిలిచింది. బాలయ్య మాస్ యాక్షన్ కి దైవశక్తి తోడు కావడం ఈ సినిమాకి ప్రత్యేకమైన ఆకర్షణగా నిలిచింది అనడం లో ఎలాంటి సందేహం లేదు. కథాకథనాలు .. యాక్షన్ సీన్స్ తో పాటు ఈ సినిమాకి సంగీతం ప్రధానమైన బలంగా నిలవడం జరిగింది. ఎస్ ఎస్ తమన్ స్వరపరిచిన పాటలు .. బ్యాక్ గ్రౌండ్ స్కోర్ ప్రత్యేకమైన ఆకర్షణగా నిలిచాయి ఈ సినిమాకి . అలాంటి ఈ సినిమాకి సీక్వెల్ ఉందనే విషయాన్ని బోయపాటి శ్రీను ఒక సక్సెస్ ఈవెంటులోనే తెలియచేశాడు.
జూన్ 10వ తేదీన బాలయ్య పుట్టినరోజు అనే సంగతి తెలిసిందే. ఆ రోజున ఆ సినిమా సీక్వెల్ కి సంబంధించిన పూజా కార్యక్రమాలు జరిగే అవకాశం ఉందని వార్తలు వినిపిస్తున్నాయి. ఈ లోగా అధికారిక ప్రకటన వెలువడనుందని చెబుతున్నారు. ప్రస్తుతం అనిల్ రావిపూడి దర్శకత్వంలో బాలయ్య ఒక సినిమా లో నటిస్తున్నాడు. ఆ సినిమా తరువాత ఈ ప్రాజెక్టు రెగ్యులర్ షూటింగు మొదలవుతుందని సమాచారం.
