గిన్నిస్ రికార్డ్‌ సాధించిన ‘ముద్దు’..ఎన్ని గంటలో తెలుసా..?

రికార్డులు అసాధ్యాలు సాధ్యం చేసినప్పుడే కాదు..కొత్తగా వింతగా చేసి కూడా సృష్టించవచ్చు. ప్రపంచంలో ఎన్నో విచిత్రాలు రికార్డులు సృష్టించారు. ఇప్పుడు సూదీర్ఘ ముద్దు(long kiss) కూడా అందులోకి ఎక్కింది. కిస్ డే ఆఫ్ వాలెంటైన్స్ వీక్ సందర్భంగా ఈ రికార్డు సృష్టించారు. థాయ్‌లాండ్‌కు చెందిన ఓ జంట ఈ ముద్దుల రికార్డు సృష్టించింది.

ప్రపంచంలోనే అత్యంత సుధీర్ఘ ముద్దు 2013ల ఫిబ్రవరి 12, 14 మధ్య నమోదైంది. ఈ జంట 58 గంటల 35 నిమిషాల 58 సెకన్ల పాటు ఒకరినొకరు ముద్దుపెట్టుకుని రికార్డు సృష్టించారు. థాయ్‌లాండ్‌లోని మ్యూజియం రెపల్స్ బిలీవ్ ఇట్ అండ్ నాట్ కీ ఈ కార్యక్రమాన్ని నిర్వహించింది. వాలెంటైన్స్ వీక్ సందర్భంగా నిర్వహించిన ఈ పోటీలో 9 జంటలు పాల్గొన్నాయి. 70 ఏళ్ల వృద్ధ దంపతులు కూడా పోటీపడటం విశేషం..

థాయ్‌లాండ్‌లోని పటాయాలో జరిగిన ఈ పోటీల్లో ఎక్కచాయ్ తిరనారత్, లక్ష్యా తిరనారత్ దంపతులు ఈ రికార్డు సృష్టించారు. పోటీలో గెలుపొందిన తర్వాత ఈ జంటకు గిన్నిస్ వరల్డ్ రికార్డ్స్ నుంచి సర్టిఫికేట్ అందించారు. అంతేకాకుండా నిర్వాహకులు ఇద్దరికీ నగదు బహుమతి, డైమండ్ రింగ్ అందజేశారు. ఆశ్చర్యకరమైన విషయం ఏంటంటే ఈ కాంటెస్ట్‌లో గెలిచిన జంట అంతకు ముందే ముద్దులో రికార్డ్‌ క్రియేట్‌ చేశారు. 2011లో ఎక్కువ సమయం ముద్దులు పెట్టుకుని రికార్డు సృష్టించారు. ఇది 46 గంటల 24 నిమిషాల 9 సెకన్ల పాటు కొనసాగింది. ఇక ఈ జంట ప్రపంచ వ్యాప్తంగా చర్చనీయాంశమయ్యారు. 2011, 2013లో రెండు రికార్డులు సృష్టించిన తర్వాత ఈ జంట థాయ్‌లాండ్‌లో చాలా ఫేమస్‌ అయ్యారు. సెలబ్రిటీల మాదిరిగానే వారి ఫోటో, వీడియోలు వైరల్ అయ్యాయి. ఇప్పటి వరకు ఆ జంట రికార్డ్‌ని ఎవ్వరూ బ్రేక్ చేయలేకపోయారు.

అన్ని గంటల పాటు కిస్ పెట్టడం కూడా నిజంగా ఒక టాలంటే..చూడాలి వచ్చే సంవత్సరం అయినా..ఈ జంట రికార్డుని బ్రేక్ చేయగలిగే వారు ఉన్నారో లేదో..