పెరుగుతున్న కాలుష్యం, ఆహారపు అలవాట్ల మార్పు వల్ల ఎన్నో సమస్యలను ఎదుర్కొంటున్నారు..ఆ సమస్యల నుంచి బయట పడాలంటే కొన్ని ఆయుర్వేద టిప్స్ ను ఫాలో అవ్వాల్సిందే..ఎటువంటి సమస్యలకు ఎటువంటి టిప్స్ ను వాడాలో ఇప్పుడు తెలుసుకుందాం…
ఉల్లిపాయలు వంటలో రుచిని పెంచడం మాత్రమే కాదు ఎన్నో ఆరోగ్య సమస్యలను కూడా తగ్గిస్తున్నాయి.. అందుకే ఉల్లిపాయ చేసే మేలు తల్లి కూడా చేయదంటారు. ఉల్లిలో ఎన్నో ఔషధ గుణాలు పుష్కలంగా ఉన్నాయి..
ఉల్లిపాయలు తీసుకోవడం వల్ల శరీరానికి శక్తి లభిస్తుంది. దీంతోపాటు జలుబు, దగ్గు, ఫ్లూ వంటి సమస్యలు కూడా తగ్గుతాయని ఆరోగ్య నిపుణులు పేర్కొంటున్నారు. అంతే కాదు, ఉల్లిపాయ జీర్ణవ్యవస్థను కూడా బలంగా మార్చుతుంది. ఉల్లిపాయలో విటమిన్ బి, విటమిన్ సి, జింక్, కాల్షియం, మెగ్నీషియం వంటి గుణాలు ఉన్నాయి. ఇది మీ శరీరాన్ని ఆరోగ్యంగా ఉంచడంలో, లైంగిక శక్తిని పెంపొందించడంలో సహాయపడతాయి.
శృంగారంలో సమస్యలుంటే.. అలాంటి వారికి ఉల్లిపాయ నీరు మేలు చేస్తుంది. పురుషుల్లో స్పెర్మ్ కౌంట్‌ను మెరుగుపరుస్తుంది. ఉల్లిపాయలలో ఉండే యాంటీఆక్సిడెంట్లు సహజంగా పురుషుల స్పెర్మ్ కౌంట్‌ను మెరుగుపరచడంలో సహాయపడతాయి.అలాగే స్త్రీలలో లిబిడోను పెంచి లైంగిక శక్తిని పెంపొందిస్తుంది. అందుకే దీనిని లైంగిక శక్తిని పెంచే టానిక్ గా పిలుస్తారు..
ఉల్లిపాయ నీటిని తాగడం ద్వారా బరువు అదుపులో ఉంటుంది. ఇందులో ఉండే ఫైబర్, ఇతర పోషకాలు బరువు తగ్గించడంలో చాలా మేలు చేస్తాయి..రోగ నిరోధకశక్తిని కూడా పెంచుతుంది.. ఉల్లిపాయ నీళ్లు తాగడం వల్ల పొట్టకు చాలా మేలు జరుగుతుంది. ఇందులో ఉండే గుణాలు మలబద్ధకం, గ్యాస్ట్రిక్ సిండ్రోమ్ సమస్యలో చాలా మేలు చేస్తాయి. ఇందులో ఫైబర్ పుష్కలంగా ఉంటుంది..రక్తంలోని చక్కెరను కూడా నియంత్రించడంలో సహాయ పడుతుంది..అందుకే ప్రతి రోజు ఉల్లిని మీ డైట్ లో చేర్చుకోవాలి..
