ఇండియన్ ప్రీమియర్ లీగ్ 17వ సీజన్ లో భాగంగా ఈరోజు క్వాలిఫైయర్-1లో సన్ రైజర్స్ హైదరాబాద్ , కోల్‌కతా నైట్ రైడర్స్ జట్లు తల పడుతున్నాయి. ఈ మ్యాచ్లో సన్రైజర్స్ హైదరాబాద్ టాస్ గెలిచి బ్యాటింగ్ ఎంచుకుంది. సన్ రైజర్స్ హైదరాబాద్ 19.3 ఓవర్లలో 159 పరుగులకు ఆలౌటైంది.క్వాలిఫయర్-1 మ్యాచ్లో సన్ రైజర్స్ హైదరాబాద్ బ్యాటర్లు దారుణంగా విఫలం చెందారు.
టాస్ గెలిచి బ్యాటింగ్ ఎంచుకున్న సన్రైజర్స్ లో ఓపెనర్లు హెడ్ (0), అభిషేక్ (3)తో పాటు నితీశ్ (9), షాబాజ్(0) ఘోరంగా విఫలమయ్యారు. 5 ఓవర్లకే 39 రన్స్ చేసిన హైదరాబాద్ 4 కీలక వికెట్లు కోల్పోయింది.
ఆ తర్వాత త్రిపాఠి(55), క్లాసెన్ (32), కమిన్స్ (30) ఫర్వాలేదనిపించినా.. మిగతా బ్యాటర్ల నుంచి సహకారం లేకపోయింది. కోల్‌కతా నైట్ రైడర్స్ బౌలర్లలో స్టార్క్ 3, వరుణ్ 2, అరోరా, రసెల్, హర్షిత్, నరైన్ తలో వికెట్ తీశారు.
