‘ఇస్కాన్’ ఓ టెర్రరిస్టు సంస్థ.. ‘రా’ కోసం పనిచేస్తోంది : బంగ్లా తాత్కాలిక ప్రధాని

ప్రపంచ వ్యాప్తంగా విస్తరించిన ‘ఇస్కాన్’‌ కృష్ణ భక్తుల సమూహాన్ని టెర్రరిస్టు సంస్థగా బంగ్లాదేశ్ పోలీసులు అభివర్ణించారు. ప్రస్తుతం ఈ కామెంట్స్ సంచలనం రేపుతున్నాయి. మాజీ ప్రధాని షేక్ హసీనాను బంగ్లాదేశ్ నుంచి ఆ దేశ ఆర్మీ, ప్రజలు తిరుగుబాటు చేయడంతో ఆమె ఇండియాకు వచ్చి తలదాచుకున్న విషయం తెలిసిందే. ఆ నాటి నుంచి అక్కడ హిందువులు, ఆలయాలపై దాడులు విపరీతంగా పెరిగిపోయాయి. దాడులతో పాటు ఆలయాల ధ్వంసం, దోపీడీలు పెరిగిపోయాయి.

మహిళలపై దాడులు, పబ్లిక్‌గా వెంటబడి వేధించండం వంటి ఘటనలు సోషల్ మీడియాలో దర్శనమిస్తున్నాయి. ఈ క్రమంలోనే తాజాగా బంగ్లాలో మరోసారి అశాంతి నెలకొంది.తమకు భద్రత కల్పించాలని హిందూ కమ్యూనిటీ ప్రజలు పెద్దఎత్తున అక్కడ ఆందోళనలు చేపట్టగా.. వాటిని అక్కడి పోలీసులు అణిచివేస్తున్నారు. ఈ క్రమంలోనే ‘జై శ్రీరాం’ అని గట్టిగా చంట్ చేసినందుకు ఇస్కాన్ కమ్యూనిటీని టెర్రరిస్టు సంస్థగా బంగ్లా పోలీసులు ప్రెస్ కాన్ఫరెన్సులో పేర్కొన్నారు. ఇక ఇస్కాన్ ‘రా’ కోసం పనిచేస్తోందని, దానిని బ్యాన్ చేయాలని బంగ్లా తాత్కాలిక ప్రధాని మహమ్మద్ యూనస్ తెలిపారు.