జనసేన అధినేత పవన్ కల్యాణ్ మంగళగిరిలో నిర్వహించిన సమావేశంలో మాట్లాడుతున్నారు. ఈ సమావేశంలో ఆయన వైసీపీ నాయకులపై తీవ్రంగా మండిపడ్డారు. తనను ప్యాకేజీ స్టార్ అని ఇక నుంచి ఎవరైనా పిలిస్తే చప్పుతో కొడతానని.. సమావేశంలోనే చెప్పు తీసుకుని చూపించి మరి వార్నింగ్ ఇచ్చారు. కులాల పేరుతో వైసీపీ నాయకులు ప్రజలను రెచ్చగొడుతున్నారని ఆరోపించారు.
ఈ సమావేశంలో పవన్ కల్యాణ్.. తెలంగాణపై తనకున్న ప్రేమని చాటుకున్నారు. తనకు పోరాట పటిమను నేర్పిందే తన గుండెచప్పుడైన తెలంగాణ అని చెప్పారు. తెలంగాణ ప్రజల్లో ఉన్న ఐక్యత ఆంధ్రాలో లేదని అన్నారు. తెలంగాణలో ఏదైనా అన్యాయం జరిగితే అందరూ కలిసి గొంతెత్తుతారని.. కానీ ఏపీలో అలా ఉండదని తెలిపారు. శ్రీకాంతాచారి లాంటి ఎందరో తెలంగాణ సాధించడానికి తమ ప్రాణాలు కూడా లెక్కచేయలేదని.. కానీ అలాంటి ఐక్యత కరవని పవన్ కల్యాణ్ అన్నారు.
