క్రికెట్ అభిమానులు ఎంతో ఆసక్తిగా ఎదురు చూస్తున్నా ఐపిఎల్ 2023 సీజన్ మ్యాచ్ ల షెడ్యూల్ ఇటీవల విడుదలైంది. మార్చి 31వ తేదీ నుంచి ఈ టోర్నమెంట్ ప్రారంభం కానుంది. భారత క్రికెట్ నియంత్రణ మండలి (బీసీసీఐ) ఆధ్వర్యంలో 2008లో ప్రారంభమైన ఈ మెగా టోర్నీలో ఇప్పటివరకు 15 సీజన్లు విజయవంతంగా ముగిశాయి.
ఇక ఇప్పుడు 16వ సీజన్ ప్రారంభం కానుంది. ఈ తరుణంలోనే.. వెన్నునొప్పితో బాధపడుతున్న టీమిండియా ప్లేయర్, KKR కెప్టెన్ శ్రేయస్ అయ్యర్ ఐపీఎల్ మొత్తానికి దూరమయ్యారు. ఈ నేపథ్యంలో కొత్త కెప్టెన్ కోసం యాజమాన్యం అన్వేషిస్తుంది. రేసులో ఆల్ రౌండర్లు షకీబ్ ఆల్ హాసన్, సునీల్ నరైన్, రస్సెల్ ఉన్నారు. యాజమాన్యం సునీల్ నరైన్ వైపు మొగ్గు చూపినట్లు తెలుస్తోంది. త్వరలోనే అధికారికంగా ప్రకటిస్తుందని సమాచారం.
