విదేశాల నుంచి అక్రమంగా బంగారం, కరెన్సీ, గంజాయి, డ్రగ్స్.. ఇతర సామగ్రి తరలించేటప్పుడు అధికారులకు పట్టుబడకుండా కొందరు కేడీలు రకరకాల ప్రయత్నాలు చేస్తుంటారు. ఇలాంటి విషయాల్లో టిప్స్ కోసం సినిమాల నుంచి ప్రేరణ పొందుతుంటారు. అలా తమిళ హీరో సూర్య నటించిన వీడొక్కడే సినిమాను ఆదర్శంగా తీసుకుని ఓ వ్యక్తి అక్రమంగా బంగారం తరలించాడు. ఏకంగా పొట్టలో కిలో బంగారం దాచి మరీ అధికారులకు పట్టుబడకుండా ట్రై చేశాడు. కానీ అధికారులకు చిక్కి కటకటాలపాలయ్యాడు.
మలప్పురం జిల్లా వరియంకోడ్కు చెందిన నౌఫల్(36) అనే వ్యక్తి దుబాయ్ నుంచి కొజీకోడ్కు వచ్చాడు. 1.063 కేజీల బంగారాన్ని 4 క్యాప్సూల్స్‌గా మార్చి కడుపులో పెట్టుకున్నాడు. పోలీసులు అతడిని తనిఖీ చేసినా బంగారాన్ని కనిపెట్టలేకపోయారు. అయినా అనుమానం వచ్చిన అధికారులు.. నిందితుడు నౌఫల్‌ను కొండొట్టిలోని ఓ ప్రైవేట్‌ ఆస్పత్రికి తరలించి వైద్య పరీక్షలు చేయించారు. అతడికి ఎక్స్‌రే తీయగాా కడుపులో ఉన్న నాలుగు బంగారు క్యాప్సూల్స్ బయటపడ్డాయి.
