షాపింగ్ లవర్స్ ఎప్పుడెప్పుడా అని ఎదురు చూస్తున్న తరుణం రానే వచ్చింది. అమెజాన్ ఇండియా ప్రైమ్ డే సేల్ మరో రెండ్రోజుల్లో షురూ కానుంది. ఈ జులై 15న ప్రారంభం కానున్న ఈ సేల్ జులై 16 వరకు ఉంటుంది. కేవలం రెండు రోజులు మాత్రమే వినియోగదారులు ఈ సేల్లో తమకు నచ్చిన ఉత్పత్తులను భారీ తగ్గింపు ధరలతో కొనుగోలు చేసుకోవచ్చు.
అమెజాన్ ప్రైమ్డే సేల్ జులై 15 అర్థరాత్రి 12 గంటలకు ప్రారంభమవుతుందని.. జులై 16 అర్థరాత్రి 11.59 నిమిషాలకు ముగుస్తుందని ఆ సంస్థ యాజమాన్యం తెలిపింది. మరి ఈ లిమిటెడ్ టైమ్లో మంచి ఆఫర్స్, డిస్కౌంట్స్ ఉన్న ఉత్పత్తులు ఏమేమి ఉన్నాయంటే.. అమెజాన్ ప్రైమ్ డే సేల్లో స్మార్ట్ఫోన్స్, టెక్ గ్యాడ్జెట్స్, కన్జ్యూమర్ ఎలక్ట్రానిక్స్, టీవీ, ఫ్యాషన్ అండ్ బ్యూటీ, ఇంటికి సంబంధించిన వస్తువులు, ఫర్నీచర్ మొదలైన అన్ని ఉత్పత్తులపై మంచి ఆఫర్లు, గొప్ప తగ్గింపు ధరలు ఉన్నాయి. అమెజాన్ తన ప్రైమ్ మెంబర్స్ను ఆనందపరచడం కోసం.. ఈ సారి బుకింగ్ రోజే డెలివరీ కూడా చేస్తామని స్పష్టం చేసింది.
