అంబులెన్స్ కు దారి ఇవ్వలేదు…2.5 లక్షల జరిమానా విధించిన కేరళ పోలీసులు !

అంబులెన్స్ కు దారి ఇవ్వలేదని…2.5 లక్షల జరిమానా విధించారు కేరళ పోలీసులు. ఈ సంఘటన కేరళ రాష్ట్రంలో చోటు చేసుకుంది. ఈ సంఘటన వివరాలు ఇలా ఉన్నాయి. అంబులెన్స్ సైరన్ వినగానే అందరికి ఒకే ఆలోచన వస్తుంది. ఒకరికో ప్రమాదం జరిగిందని అందరూ అనుకుని.. సైడ్‌ ఇస్తాం. ఏ ట్రాఫిక్ జామ్ అయినా సరే, అంబులెన్స్ సైరన్ వినగానే, ఆ కారు వెళ్లేందుకు ట్రాఫిక్ క్లియర్ అవుతుంది.

కారులో ఉన్న వ్యక్తికి ప్రతి నిమిషం ముఖ్యం. అందుకే ట్రాఫిక్‌ కూడా క్లియర్‌ చేస్తారు. కానీ కేరళ రాష్ట్రంలో ఓ వ్యక్తి అలా చేయలేదు. అంబులెన్స్‌ కు సైడ్‌ ఇవ్వలేదు. ఆ అమానవీయ చర్యపై పోలీసులు కొరడా విధించారు. అంబులెన్స్ కు దారి ఇవ్వకపోవడంపై పోలీసులు సీరియస్ అయ్యారు. పదేపదే అంబులెన్స్ హరన్ కొట్టినా.. దారి ఇవ్వని వాహనదారుడిపై చర్యలు తీసుకున్నారు. లైసెన్స్ క్యాన్సిల్ చేసి, 2.5 లక్షల జరిమానా విధించారు కేరళ పోలీసులు.