బాలీవుడ్ దర్శకుడు వివేక్ అగ్నిహోత్రి తెరకెక్కించిన తాజా మూవీ ది వ్యాక్సిన్ వార్. ఈ చిత్రంపై ప్రధాని మోడీ ప్రశంసలు కురిపించారు. ఓ బహిరంగ సభలో మాట్లాడుతూ.. ఈ సినిమా గురించి ప్రస్తావించారు ప్రధాని మోడీ. కరోనా సమయంలో ఎంతో మంది శాస్త్రవేత్తలు నిరంతరం కష్టపడి పని చేశారు. దీని గురించి ది వ్యాక్స్ వార్ అనే సినిమా వచ్చిందని విన్నాను.
మహిళా శాస్త్రవేత్తల విజయాలను ఇందులో చూపించారు. ఇలాంటి సినిమా తీసినందుకు ఆ సినిమా దర్శక, నిర్మాతలను నేను అభినందిస్తున్నాను. ఈ సినిమా చూసాక మన శాస్త్రవేత్తలపై ప్రతీ భారతీయుడికి గౌరవం పెరిగింది అని మోడీ పేర్కొన్నారు. దీనిపై వివేక్ అగ్నిహోత్రి ఓ ట్వీట్ చేశారు. మోడీ నాయకత్వంలో స్వదేశీ వ్యాక్సిన్ తయారు చేశారు. దీని తయారీలో మహిళా సైంటిస్టుల కృషిని గుర్తించి.. మోడీ ప్రస్వావించడంపై శాస్త్రవేత్తలు నాకు ఫోన్ చేసి ఉద్వేగానికి లోనయ్యారు అని మోడీకి ధన్యవాదాలు తెలిపారు. గతంలో వివేక్ అగ్నిహోత్రి తెరకెక్కించిన ది కశ్మీర్ ఫైల్స్ మూవీ పై కూడా ప్రధాని మోడీ ప్రశంసల వర్షం కురిపించిన విషయం విధితమే.
