ప్రముఖ నటి మీనా భర్త విద్యాసాగర్ (48ఏళ్లు) మంగళవారం రాత్రి మృతి చెందారు. శ్వాసకోశ సమస్యతో మృతి చెందినట్లు వెద్యులు వెల్లడించారు. అయితే విద్యాసాగర్ మృతిపై తమిళనాడు స్థానిక వార్త పత్రికల్లో ఓ వార్త చక్కర్లు కొడుతోంది. పావురాల వ్యర్థాల నుంచి వచ్చే గాలిని పీల్చడం వల్లే ఆయన అనారోగ్యానికి గురయ్యారని స్థానిక మీడియా కథనాలు ప్రచురించాయి.
నటి మీనా నివసిస్తున్న ప్రాంతంలో పావురాలు అధిక సంఖ్యలో ఉంటాయి. వాటి వ్యర్థాల వల్ల వచ్చిన గాలిని పీల్చడం వల్లే విద్యాసాగర్‌కు శ్వాసకోశ సమస్య తలెత్తిందని, అందుకే ఆయన కొద్ది రోజులుగా చికిత్స తీసుకుంటున్నారని పత్రికల్లో కథనాలు ప్రచూరితమయ్యాయి. ఈ ఏడాది ప్రారంభంలో విద్యాసాగర్‌కు కరోనా పాజిటివ్ రావడంతో ఈ సమస్య మరింత తీవ్రమైందని వైద్యులు చెబుతున్నారు. అయితే విద్యాసాగర్ ఊపిరితిత్తులు మార్పిడి చేయించాలని సూచించినప్పటికీ.. దాతలు దొరక్కపోవడంతోనే ఆయన మృతి చెందినట్లు సమాచారం.
