కేంద్ర ప్రభుత్వంపై కాంగ్రెస్ ఎంపీ రేవంత్ రెడ్డి తీవ్ర విమర్శలు చేసారు. షాపూర్ నగర్ లో కోటి సంతకాల సేకరణ నిర్వహించారు ఆయన. కేంద్ర ప్రభుత్వం తీసుకువచ్చిన ఈ వ్యవసాయ చట్టం రైతులకు నష్టమే అని అన్నారు. ఈ చట్టం కార్పొరేట్ కంపెనీలకు లబ్ధి చేకూర్చడమే ప్రధాన లక్ష్యంగా ఉంది అని ఆయన ఆరోపించారు. రైతులను, రైతు సంఘాలను అడగకుండా తీసుకువచ్చిన ఈ చట్టాన్ని ఉపసంహరించుకోవాలని డిమాండ్ చేసారు.
ఈ చట్టం వ్యతిరేకంగా ప్రతి డివిజన్, గ్రామంలో కోటి సంతకాలు సేకరించి కాంగ్రెస్ పార్టీ ఆధ్వర్యంలో కేంద్ర ప్రభుత్వానికి సమర్పిస్తామని వెల్లడించారు. కాంగ్రెస్ తీసుకువచ్చిన కనీస మద్దతు ధర చట్టాన్ని రద్దు చేయడం అన్యాయంఅని ఆయన ఆవేదన వ్యక్తం చేసారు. ఈ చట్టాన్ని నల్ల చట్టంగా (బ్లాక్ బిల్లు)గా అభివర్ణించారు రేవంత్. రాష్ట్రం లో నిర్బంధ వ్యవసాయ విధానాన్ని ఉపసంహరించుకోవాలని.. ఆఖరి గింజ వరకూ కేంద్ర, రాష్ట్ర ప్రభుత్వలు రైతులకు మద్దతు ధర ఇవ్వాలని డిమాండ్ చేసారు.
