అమెరికాలో జరిగిన కాల్పుల్లో తెలంగాణలోని ఖమ్మం జిల్లాకు చెందిన ఓ విద్యార్థి దుర్మరణం పాలయ్యాడు. వివరాల్లోకివెళితే.. ఖమ్మం రూరల్ మండలం రామన్నపేటకు చెందిన నూకారపు కోటేశ్వరరావు కుమారుడు సాయి తేజ(22) గత మూడు నెలల కిందట ఉన్నత చదువుల కోసం అమెరికాకు వెళ్లాడు.
ఈ క్రమంలోనే సాయి తేజ అమెరికాలోని ఓ షాపింగ్ మాల్‌లో పనిచేస్తూ చదువుకుంటున్నాడు.ఈ నేపథ్యంలోనే కొందరు దుండగులు షాపింగ్ మాల్‌లోకి చొరబడి సాయి తేజపై కాల్పులు జరిపి అందులోని నగదును ఎత్తుకెళ్లారు.ఈ ఘటనలో సాయి తేజ అక్కడికక్కడే మృతి చెందాడు. ఈ విషయాన్ని అమెరికా అధికారులు ఇండియన్ ఎంబస్సీ అధికారులకు సమాచారం ఇవ్వగా.. వారు తెలంగాణలోని అధికారులకు సమాచారం ఇచ్చారు. అది కాస్త తల్లిదండ్రులు, బంధుమిత్రులకు తెలియడంతో కన్నీరుమున్నీరుగా విలపిస్తున్నారు.
