వింత విలేజ్‌లు: మేఘాలపైన ఊరు, సూర్యకాంతి తాకని గ్రామం, బట్టలే వేసుకోని జనం

ఈ ప్రపంచంలో ఎన్నో వింతలు, విశేషాలు, విశ్వానికి అందని రహస్యాలు చాలా ఉన్నాయి. మనకు తెలిసిన కొన్నే. అలాంటి వింతలతోనే అవి ఫేమస్‌ అవుతుంటాయి. కొన్ని గ్రామాలు అందానికి ప్రసిద్ధి చెందగా, కొన్ని గ్రామాలు అపరిశుభ్రతతో వార్తల్లో నిలుస్తున్నాయి. ఒక ఊరిలో వాన పడితే మరో ఊరికి ఎండ లేదు. ఇంకో ఊరిలో బట్టలు వేసుకోరు, ఇలాంటివి చాలా ఉన్నాయి. ఇప్పుడు చెప్పుకోబేయే గ్రామాల్లో ఒక్కో గ్రామానికి ఒక్కో ప్రత్యేకత ఉంది. అదేంటో, ఆ గ్రామాలు ఎక్కడ ఉన్నాయో తెలుసుకుందాం.!

జుజ్కర్ గ్రామం :

జుజ్కర్ స్పెయిన్‌లోని ఒక గ్రామం. ఈ గ్రామం ఇంటి రంగు థీమ్‌కు ప్రసిద్ధి చెందింది. జుజ్కర్ గ్రామంలోని ఇళ్లన్నీ నీలం రంగులో ఉన్నాయి. 2011లో కొంతమంది 3డి సినిమా కోసం ఇక్కడి ఇళ్లకు నీలం రంగు వేశారు. మొదట్లో కొన్ని ఇళ్లకు మాత్రమే నీలి రంగు వేసేవారు. క్రమంగా గ్రామంలోని ఇళ్లన్నింటికీ నీలిరంగు పూశారు. 2022 నాటికి అందరి ఇళ్లు బ్లూ కలర్‌నే ఉన్నాయి. కొత్తగా నిర్మించిన ఇళ్లకు కూడా నీలిరంగునే వేస్తారు.

విగనెల్లా గ్రామం :

విగనెల్లా ఇటలీలోని ఒక గ్రామం. ఈ గ్రామం మిలన్ నగరంలోని లోతైన లోయ దిగువన ఉంది. గ్రామం పూర్తిగా లోయలతో చుట్టబడి ఉంది. చలికాలంలో దాదాపు మూడు నెలల పాటు సూర్యకాంతి ఉండదు. ఇక్కడి ప్రజలు సూర్యరశ్మి లేకుండా మూడు నెలలు చీకట్లో గడపాల్సి వచ్చింది. ఇప్పుడు గ్రామానికి చెందిన కొందరు ఇంజనీర్లు, ఆర్కిటెక్ట్‌లు పెద్ద అద్దాన్ని తయారు చేసి అమర్చారు. సూర్యకిరణాలు ప్రతిబింబ అద్దం ద్వారా గ్రామానికి చేరుకుంటాయి. దీని నుండి గ్రామం సూర్యకాంతి పొందుతుంది. ఈ వేగనెల్ల గ్రామం సూర్యకిరణాలను తాకని కారణంగా ప్రపంచ వ్యాప్తంగా ప్రసిద్ధి చెందింది.

అల్-హుతైబ్ గ్రామం :

అల్-హుతైబ్ గ్రామం యెమెన్ రాజధాని సనాకు పశ్చిమాన ఉంది. ఈ గ్రామం భూమి యొక్క ఉపరితలం నుండి దాదాపు 3,200 మీటర్ల ఎత్తులో ఉంది. ఈ గ్రామం చాలా ఎత్తులో ఉన్నందున, ఇక్కడ ఎప్పుడూ వర్షాలు పడవు. ఈ గ్రామం క్రింద మేఘాలు ఏర్పడతాయి. కింద వాన కురిసినా పల్లెల్లో వాన పడదు. వర్షం పడకపోయినా పర్యాటకులను ఆకర్షించే గ్రామాల్లో ఇదొకటి. ఈ గ్రామం అద్భుతమైనది మరియు దాని సహజ అందం అందరినీ ఆకర్షిస్తుంది.

స్పీల్‌ప్లాట్జ్ గ్రామం :

UKలోని హెర్ట్‌ఫోర్డ్‌షైర్‌లో స్పీల్‌ప్లాట్జ్ అనే గ్రామం ఉంది. ఈ గ్రామం కూడా తనదైన వింత ఆచారంతో వార్తల్లో నిలుస్తోంది. ఇక్కడ నివసించే ప్రజలు దుస్తులు ధరించరు. ఎన్నో ఏళ్లుగా ఈ స్థలంలో ప్రజలు బట్టలు లేకుండా జీవిస్తున్నారు. ఇక్కడ వృద్ధులే కాదు చిన్న పిల్లలు కూడా దుస్తులు ధరించరు. భగవంతుడు మనుషులను బట్టలు లేకుండా భూమిపైకి పంపాడు కాబట్టి బట్టలు వేసుకోవద్దు. దుస్తులు ధరించడం వల్ల దేవుడికి కోపం వస్తుందని ఇక్కడి ప్రజలు నమ్ముతారు. ఇక్కడి ప్రజలు పేదవారు కాదు. ఇక్కడ ప్రజలకు పెద్ద ఇల్లు, స్విమ్మింగ్ పూల్, బార్ మొదలైన అనేక విలాసవంతమైన సౌకర్యాలు ఉన్నాయి. అయినా బట్టలు మాత్రం వేసుకోరు.