సిద్దిపేట జిల్లాలో గంజాయి చాక్లెట్ ల కలకలం రేగింది. సిద్ధిపేట చేర్యాలలోని ఓ కాలేజీ సమీపంలోని పాన్ షాపు నిర్వహకుడి నుంచి గంజాయి చాక్లెట్ లను పట్టుకున్నారు పోలీసులు. బీహార్ కు చెందిన రాకేష్ కుమార్ బీహార్ నుంచి చాక్లెట్ లు తెచ్చి బిహారీ కూలీలకు అమ్ముతున్నటు గుర్తించారు పోలీసులు.
90 వేల రూపాయలు విలువ గల 1200 చాక్లెట్ లను స్వాధీనం చేసుకుని పాన్ షాప్ నిర్వాహకుడు రాజేష్ పై కేసు నమోదు చేశారు పోలీసులు. ఇక ఈ కేసుపై దర్యాప్తు చేస్తున్నారు పోలీసులు. కాగా,
రెండు రోజుల కిందట రాజేంద్రనగర్ లో భారీగా గంజాయి చాక్లేట్స్ గుట్టు రట్టు అయింది. 4 కేజీల గంజాయి చాక్లేట్స్ సీజ్ చేసిన రంగారెడ్డి జిల్లా ఎక్సైజ్ ఎన్‌ఫోర్స్‌మెంట్ అధికారులు. కోకాపేట్ రాంకీ కన్‌స్ట్రక్షన్ కంపెనీ వద్ద అధికారుల దాడులు.
ఓ గదిలో వివిధ బ్రాండ్స్ కు చెందిన గంజాయి చాక్లెట్స్ గుర్తించారు. ఒడిస్సా కు చెందిన సౌమ్యా రాజన్ అనే వ్యక్తి ని అదుపులోకి తీసుకున్న ఎన్‌ఫోర్స్‌మెంట్ అధికారులు. ఒడిస్సా నుంచి గంజాయి చాక్లెట్స్ తెచ్చి హైదరాబాద్ లో విక్రయించారు. ఈ కేసును పోలీసులు విచారణ చేస్తున్నారు.
