Congress MLA Medipalli Satyam: బీఆర్ఎస్ పార్టీ వర్కింగ్ ప్రెసిడెంట్ కేటీఆర్ కు కాంగ్రెస్ ఎమ్మెల్యే స్పెషల్‌ థ్యాంక్స్‌ చెప్పడం జరిగింది. నేడు రాజన్న సిరిసిల్ల జిల్లా బోయినపల్లి మండలం కొదురుపాకలో బీఆర్ఎస్ పార్టీ వర్కింగ్ ప్రెసిడెంట్ కేటీఆర్ పర్యటించారు.
ఈ సందర్భంగా ఇవాళ ఉదయం 11:30 గంటలకు బోయినపల్లి మండలం, కొదురుపాక గ్రామంలో తన అమ్మమ్మ-తాతయ్య కీ.శే. జోగినిపల్లి కేశవరావు- లక్ష్మీబాయి స్మారకార్థం నిర్మించిన ప్రాథమిక పాఠశాలను ప్రారంభించారు కేటీఆర్. అయితే.. ఈ కార్యక్రమానికి కాంగ్రెస్ ఎమ్మెల్యే మేడిపల్లి సత్యం కూడా హాజరయ్యారు. ఈ సందర్భంగా కాంగ్రెస్ ఎమ్మెల్యే మేడిపల్లి సత్యం మాట్లాడుతూ.. కేటీఆర్ ను మెచ్చుకున్నారు. కొదురుపాకలో ఇంత మంచి స్కూల్ కట్టించిన రామన్నకు ధన్యవాదాలు చెప్పారు కాంగ్రెస్ ఎమ్మెల్యే మేడిపల్లి సత్యం.
