హైదారాబాద్ లో భారీ మోసం వెలుగు సూచింది. 700 కోట్ల రూపాయలు కాజేసి బోర్డు తిప్పేసింది ఓ సంస్థ. తక్కువ పెట్టుబడితో అధిక లాభాలు అంటూ.. మొదట పెట్టుబడులు సేకరించింది DKZ టెక్నాలజీస్. హైదారాబాద్ వ్యాప్తంగా మొత్తం 18 వేల మంది ఈ సంస్థ బాధితులు ఉన్నారు. అయితే సంస్థ బోర్డు తిప్పేయడంతో సోమాజిగూడ ప్రెస్ క్లబ్ వద్దకు చేరుకున్నారు వందలాది బాధితులు. మొత్తం 3 రాష్ట్రాల్లో 55 వేల మందికి పైగా బాధితులు ఈ సంస్థ చేతిలో మోసపోయారు.
అయితే బాధితులను నమ్మించేందుకు ఇన్వెస్టర్లకు తొలుత లాభాలు చూపింది కంపెనీ. ఇన్వెస్ట్ చేసిన కొన్ని నెలల పాటు ఇన్వెస్టర్ల అకౌంట్ లో డబ్బులు జమ చేసారు కేటుగాళ్లు. ఆ తర్వాత 700 కోట్ల రూపాయల వరకు దండుకుని పరార్ అయ్యారు. తమ సంస్థను సోషల్ మీడియా ఇన్ఫ్లుయెన్సర్ల తో ప్రమోషన్ చేయించారు. అయితే లాభాలు వస్తుండటంతో.. అప్పు చేసి, గోల్డ్ అమ్మి మరి బాధితులు పెట్టుబడి పెట్టారు.
