సాధారణంగా మద్యం ప్రియులకు మద్యాన్ని చూస్తే పూనకం వస్తుంటుంది. కానీ ఈ మధ్య కాలంలో జరిగే చోటు చేసుకునే ఘటనలు చూస్తే బీరు ప్రియులు మాత్రం బీరు ముట్టుకోరేమో మరీ. ఇటీవలే బీరులో ఒక చోట బల్లి.. మరో చోట నాసు వంటి ఘటనలు చోటు చేసుకున్నాయి. కానీ తాజాగా మరో ఘటన చోటు చేసుకుంది. బీరులోకి ఏకంగా కప్ప దూసుకొచ్చింది. అసలు బీరుసీసాలో ఇలాంటివి ఎలా దూసుకొస్తున్నాయి. బీరులో ఎలాంటి వాటర్ కలుపుతున్నారనే సందేహాలు వ్యక్తం అవుతున్నాయి.
నిజామాబాద్ జిల్లాలోని డొంకేశ్వర్ మండల కేంద్రంలోని వైన్ షాపులో ఓ వ్యక్తి బీరు తీసుకున్నాడు. బీరు కొన్న వ్యక్తి స్టప్ తీసుకొని.. బీరును ఓపెన్ చేశాడు అంతే.. అందులో చనిపోయిన కప్ప కనిపించింది. దీంతో ఒక్క సారిగా కంగుతిన్నాడు. వెంటనే అతను వైన్స్ యజమాని పై కోప్పడ్డాడు. అది డిస్టిలరీ నుంచి వచ్చిందని.. తాము బాధ్యులం కాదని వైన్స్ నిర్వాహకుడు చెప్పాడు. బీరు కొన్నాక అందులో ఏముందో ముందే చూసుకోవాలని మద్యం ప్రియులు పేర్కొంటున్నారు.
