నేడు ఒవైసి ప్లైఓవర్‌ను ప్రారంభించనున్న కెటిఆర్.. ట్రాఫిక్ కష్టాలకు చెక్

హైదరాబాద్ నగర వాసులకు తెలంగాణ రాష్ట్ర ప్రభుత్వం గుడ్ న్యూస్ చెప్పింది. హైదరాబాద్‌ లోని ఓవైసీ ప్లై ఓవర్ ఇవాళ ప్రారంభం కానుంది. ఇవాళ ఉదయం 10 గంటల సమయం లో.. ఫ్లై ఓవర్ ను ప్రారంభించనున్నారు మంత్రి కేటీఆర్. ఈ మేరకు అన్నీ ఏర్పాట్లు చేశారు జీహెచ్ ఎంసీ అధికారులు. ఏకంగా రూ. 80 కోట్ల వ్యయంతో 1.36 కిలో మీటర్ల పొడవున ఈ ఓవైసీ ప్లై ఓవర్ ను నిర్మించింది తెలంగాణ రాష్ట్ర ప్రభుత్వం.

వన్ వే రోడ్డుగా 3 లైన్ల తో 12 మీటర్ల వెడల్పు తో ఎంతో ప్రతిష్టాత్మకంగా నిర్మించారు. మిథాని జంక్షన్ నుంచి ఓవైసీ జంక్షన్ వరకు ఈ ఫ్లై ఓవర్ నిర్మాణం అయింది. 2018 ఏప్రిల్‌లో ఎస్ఆర్‌డీపీ కింద ప్రాజెక్టు నిర్మాణం ప్రారంభం కాగా… ఈ ఏడాది పూర్తి అయింది. ఈ ఓవైసీ ప్లై ఓవర్ అందుబాటులోకి రావడం తో ఆరాంఘర్‌, చాంద్రాయణగుట్ట నుంచి ఎల్బీనగర్ బైరమల్ గుడా, కర్మాన్‌ఘాట్ వైపు వెళ్లే వాహన దారులకు ట్రాఫిక్ తిప్పలు తప్పనున్నాయి. ఇక ఈ ఓవైసీ ప్లై ఓవర్ ఏర్పాటు కావడం పై హైదరాబాద్ వాసులు హర్షం వ్యక్తం చేస్తున్నారు.