పట్నం నరేందర్ రెడ్డి రైతులను రెచ్చగొడుతున్న వీడియో వైరల్!

లగచర్లలో వికారాబాద్ జిల్లా కలెక్టర్ ప్రతీక్ జైన్, జిల్లా రెవెన్యూ అధికారులపై జరిగిన దాడి వెనుక బీఆర్ఎస్ ముఖ్య నేతల హస్తం ముందని ఐజీ వీ సత్యనారాయణ పేర్కొన్న విషయం తెలిసిందే. బీఆర్ఎస్ మాజీ ఎమ్మెల్యే పట్నం నరేందర్ రెడ్డి తన అనుచరుడు సురేశ్‌ను రెచ్చగొట్టి ఈ దాడి జరిగేలా రైతులను ఉసిగొల్పినట్లు పోలీసులు ఆధారాలు సేకరించినట్లు తెలిసింది.

దీని వెనుక బీఆర్ఎస్ వర్కింగ్ ప్రెసిడెంట్ కేటీఆర్ హస్తం సైతం ఉందని పట్నం నరేందర్ రెడ్డి రిమాండ్ రిపోర్టులో పోలీసులు పేర్కొన్నారు. ఫార్మా సిటీని మొదటి నుంచి వ్యతిరేకిస్తున్న పట్నం నరేందర్ రెడ్డి రైతులను ఒక దగ్గరకు చేర్చి రెచ్చగొట్టే వ్యాఖ్యలు చేస్తున్న వీడియోను కాంగ్రెస్ శ్రేణులు సోషల్ మీడియాలో పోస్టు చేశారు.ఫార్మా కంపెనీ కోసం ఎట్టిపరిస్థితుల్లో భూములు ఇవ్వొద్దని, ఎవరైనా వస్తే తరిమిగొట్టాలని.. అందులో అధికారులు ఉన్నా అదే చేయాలని.. నేను, కేటీఆర్, హరీష్ రావు ఈ విషయంలో అండగా ఉంటామని రైతులతో చెప్పినట్లు వీడియో ఒకటి వైరల్ అవుతోంది.