డైరెక్టర్ ఎస్.ఎస్.రాజమౌళి తెరకెక్కించిన ‘ఆర్ఆర్ఆర్’ చిత్రం బాక్సాఫీసును షేక్ చేస్తోంది. రికార్డుల వేటకు బయలుదేరిన ఈ ఫిల్మ్..ప్రేక్షకులను చాన్నాళ్ల తర్వాత థియేటర్లకు రప్పించడంలో సక్సెస్ అయింది. విజ్యువల్ వండర్‌గా రూపొందించబడిన ఫిల్మ్ ను థియేటర్ లో ఎక్స్ పీరియెన్స్ చేయాల్సిందే అని సినీ పరిశీలకులు, క్రిటిక్స్ పేర్కొంటున్నారు. ఈ క్రమంలోనే మౌత్ టు మౌత్ పబ్లిసిటీలో జనాలు ఇంకా ఎక్కువ మంది టాకీసులకు వెళ్తున్నారు.
‘బాహుబలి’ కంటే ముందు నుంచే తాను మల్టీస్టారర్ చేయాలని అనుకుంటున్నానని రాజమౌళి పలు ఇంటర్వ్యూల్లో పేర్కొన్నారు. ఈ క్రమంలోనే బాహుబలి తర్వాత టాలీవుడ్ బిగ్గెస్ట్ సూపర్ స్టార్స్ అయిన్ రామ్ చరణ్ , తారక్ లతో చిత్రం తీశాడు. ఈ పిక్చర్ సక్సెస్ అవడానికి ప్రధానమైన కారణం.. వీరు ఆన్ స్క్రీన్ లోనే కాకుండా ఆఫ్ స్క్రీన్ లోనూ బెస్ట్ ఫ్రెండ్సని అభిమానులు చెప్తున్నారు. ఎమోషనల్ సీన్స్ లో ఇద్దరూ చించేశారని ఆనందం వ్యక్తం చేస్తున్నారు.
ఇక ఈ చిత్రాన్ని చూసిన తర్వాత హీరోలుగా వీరిని కాకుండా ఇంకెవరినీ ఊహించుకోలేము. కానీ, ‘ఆర్ఆర్ఆర్’ స్టోరి రైటర్ విజయేంద్ర ప్రసాద్, డైరెక్టర్ ఎస్.ఎస్.రాజమౌళి వీరి కంటే ముందర పలువురు హీరోలను చిత్రంలో భాగం చేయాలనుకున్నారు. తమిళ్ సూపర్ స్టార్ రజనీకాంత్ – ఐకాన్ స్టార్ అల్లు అర్జున్, బ్రదర్స్ సూర్య-కార్తీ పేర్లను పరిశీలించారు. ఈ క్రమంలోనే చివరకు రామ్ చరణ్, జూనియర్ ఎన్టీఆర్‌లను డైరెక్టర్ రాజమౌళి ఫైనల్ చేశారు. ఇక పిక్చర్ చూసిన ప్రతీ ఒక్కరు వీరిరువురు తప్ప ఇంకెవరూ కొమురం భీం, అల్లూరి సీతారామరాజు పాత్రలను పోషించలేరని అంటారనడంలో ఎటువంటి అతిశయోక్తి లేదు.
